Roma 9:16 - U Maganda A Baheta Ni Jesu-Cristo

¹⁶ Ni konna hod, u págpile nu Diyos ay bakán a ayun tu kagustuwan nu tolay oni tu pággimet ti maganda, ni awan tu kagbi la nu Diyos.

Roma 9:16 ပူးပေါင်းရင်းမြစ်များ

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 4:8

Káttapos ay inyangay dámman siya ni Satanas tu toktok nu essa a malangkaw a buked sakay impeta na nikuna u atanan a babansa ti munduway sakay u kayamanan de.

Lukas 10:21

Ti odas biyan itod ay nagkahod ti Jesus ti kasayaan a gábwat tu Banal a Ispirito, kinagi na, “Magpasalamaták niko Ama a Panginoon ti langet sakay ti lutaáy dipo awan mo impakapospos tu mágkarunung i bagayan hidenye. Impakapospos mo la iye hide tu tolay hide a mapakumbaba a konna tu anak. On, Ama magpasalamaták dipo konna hod u gusto mo a mangyare.”

Juan 3:8

Mara ni te pahás ay masaneg mo u ugung na pero awan mo tukoy nággábwatan naay sakay tamuwán naay. Konna labi hod u tolay a neenak tu Ispirito nu Diyos.”

Roma 9:11

Impakilala nu Diyos a u págpile na ay ayun tu sadile na a plano sakay bakán a tu gimet nu tolay. Dipo bagu pa a meenak u anak hide sakay bagu pa a makagimet ti maganda oni madukás,

Galacia 2:2

Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

Efeso 2:8

Dipo tu habag nu Diyos ay naligtas kam tu pamamag-itan nu pánnampalataya moy ni Cristo. Iye a kaligtasan ay kaluub nu Diyos, bakán a gábwat nikam.

Filipos 2:13

Dipo u Diyos u mangatád nikam ti soh sakay kakayanan a magimet u kaluuban na.

Santiagu 1:18

Ayun tu kaluuban nu Diyos ay ginimet na kitam a anak na hide tu pamamag-itan nu impakapospos na a upos na a tatahoden, tánni magin pinakamahalaga kitam tu atanan a linalang na.