Roma 9:11 - U Maganda A Baheta Ni Jesu-Cristo

¹¹ Impakilala nu Diyos a u págpile na ay ayun tu sadile na a plano sakay bakán a tu gimet nu tolay. Dipo bagu pa a meenak u anak hide sakay bagu pa a makagimet ti maganda oni madukás,

Roma 9:11 ပူးပေါင်းရင်းမြစ်များ

Roma 4:17

Konna he u kinagi na tu Kasulatan, “Ginimet taka a ama nu makpal a bansa.” Iye a pananto ay tehhod a bisa tu atubang nu Diyos a panaligan na, u Diyos a nangbiyag tu patay hide sakay manglalang tu atanan a bagay a awan palla.

Efeso 2:3

Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

Efeso 2:9

Bakán iye a dipo tu mágkaganda moy hide a gimet kanya awan ti mepagmadakál u deyaman.

Efeso 3:11

Iye u plano nu Diyos sapul pa tu sapul sakay tinupad na iye tu pamamag-itan ni Cristo Jesus a Panginoon tam.

1 Tesalonica 1:4

Kákkapatkákka mi hide, tukoy me a mahal kam nu Diyos sakay pinili nakam a ipisan tu tolay hide a sakup na

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

2 Pedro 1:10

Kaya ngane, kákkapatkákka ko hide, lalu kam a sumigasig a máng-aheg tu ugale moy tu pángpile nikam nu Diyos. Ni ginimet moy iye ay mapatunayan moy a dinulaw kam ngane nu Diyos sakay awan kam manghina tu pánnampalataya moy.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”