Roma 8:7 - U Maganda A Baheta Ni Jesu-Cristo

⁷ Dipo kalaban nu Diyos u deyaman a sumunud tu gusto nu makasalanan a pagkatolay, dipo umád na a sumunud tu Kautusan nu Diyos sakay talaga a awan na magimet a sumunud.

Roma 8:7 ပူးပေါင်းရင်းမြစ်များ

Mateo 12:34

Hikam ay kumán a makamandag a biklat. Kodya u mágkadukás a tolay a konna nikam maari a magupos ti maganda? Dipo ni ánya u pirmi hod tu puso moy ay itod labe u lumuwas tu labi moy.

Mateo 5:19

Kanya ni ti deya man u awan sumunud tu maski essa tu kautusan dipo isipán na a awan iye pinakamahalaga sakay mangtoldu ti konna hina ay magin pinakababa tu kahariyan nu Diyos. Pero ni ti deya man u sumunud sakay mángtoldu tu katolayan tu kautusan ay magin mataas a tolay tu kahariyan nu Diyos.

Juan 7:7

Awan kam kaiyamutan nu tolay hide ti munduway, pero hikán ay kaiyamutan de, dipo inpeta ko nide a madukás u gimet de.

Roma 1:28

Dipo umád de a tenggiyan u Diyos, kanya pinabayan na dán hide tu mágkadukás de a isip sakay tu gággimitán de a makadanga-dangát.

Roma 1:30

Mangsida hide tu kapareho de, maiyamut hide tu Diyos, awan hide ti galang sakay tunay hide ti kapalaluwan, palagi a magehyok ti madukás sakay awan sumunud tu dáddakál di hide.

Roma 3:31

U gusto na beman a kagiyán ay bali-awanán mi dán u Kautusan? Awan! Dipo u tatahoden ay mas lalo mi pa a tinupad u layunin nu Kautusan.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 7:22

Buo a pusowák a masaya tu Kautusan nu Diyos.

Roma 8:4

Ginimet iye nu Diyos tánni u ipatupad nu Kautusan ay matupad tam be a mabiyag tu págiyya nu Banal a Ispirito sakay bakán a ayun tu makasalanan tam a pagkatolay.

1 Corinto 2:14

Dipo u tolay a awan u Ispirito nu Diyos nikuna ay umád a tumanggap tu kaluub hide a gábwat tu Ispirito nu Diyos. Para nide, awan iye ti kabuluhan sakay awan de maintendiyan, dipo awan nide u Ispirito nu Diyos a mangdemlag tu isip de.

1 Corinto 9:21

Kapag ni hedák tu Hentil hide, a awan makatukoy tu Kautusan ni Moises ay mabiyagák a konna tu essa a tolay a awan sakup nu Kautusan tánni maakit ko be hide. (Pero awan ko kákkagiyán a awanák dán sumássunud tu Kautusan nu Diyos dipo u sássunudán ko ay u utus hide ni Cristo.)

Colosas 1:21

Tu itod, ay adeyo kam tu Diyos sakay nagin kadima na, dipo tu kadukássan a hod tu isip moy sakay siya be u gággimitán.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

2 Timoteo 3:4

Bakán la a ina, magin traidor hide, awan de isipán ni ánya u bunga nu gimitán de, mapagmataas hide, sakay u gugusto de ay u kagustuwan nu pilas bakán a u bagay hide a makasaya tu Diyos.

Hebreo 8:10

“Iye u bigu ko a kasunduwan tu Israelita hide, káddemát ni aldiwan itod,” Kagi nu Panginoon: “Ay imula ko tu isip de u utus ko hide, sakay iyukit ko tu pusu de. Hikán u magin Diyos de, sakay hide u magin banuwan ko.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

2 Pedro 2:14

Ni umileng hide ti bábbey, ay putat ti kákkasoh. Awan hide ti imang ti pakán gimet ti kasalanan sakay ipahamak dipa ti kasalanan u mágkahina hide ti pánnampalataya. Hide ay sakim. Binusong dán hide!