Roma 8:6 - U Maganda A Baheta Ni Jesu-Cristo

⁶ U sapitán nu kássunud tu makasalanan a pagkatolay ay kamatayan, pero u sapitán nu kássunud tu kagustuwan hide nu Banal a Ispirito ay kapayapaan sakay biyag a awan ti kahád.

Roma 8:6 ပူးပေါင်းရင်းမြစ်များ

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 6:21

Pero ánya u inábbang moy tu date moy a kákkabiyag a ikasanike moy dán nadid? U hantunan na ay kamatayan.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

Roma 7:11

Dipo ginamit nu kasalanan u Kautusan tánni dayaánnák na, sakay dipo hod ay nahatulanák ti kamatayan dipo awan ko masunud u Kautusan.

Roma 7:5

Nikuna a mabiyag kitam palla tu date tam a pagkatolay, u mágkadukás a kagustuwan nu bággi tam u naghare, sakay lalo pa a pinadukás nu Kautusan kaya nakagimet kitam ti bagay hide a madukás a u resulta na ay u kamatayan tam.

Roma 8:13

Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

Roma 8:27

Sakay maintendiyan nu Diyos a makatukoy tu lasán nu puso nu tolay u ánya man a kagiyán nu Banal a Ispirito. Dipo u Banal a Ispirito u mamagitan para nikitam a anak nu Diyos, sakay iye ay palagi a ayun tu kaluuben nu Diyos.

Roma 8:7

Dipo kalaban nu Diyos u deyaman a sumunud tu gusto nu makasalanan a pagkatolay, dipo umád na a sumunud tu Kautusan nu Diyos sakay talaga a awan na magimet a sumunud.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Galacia 6:8

Ni u sásunudán nu essa a tolay ay u hilig nu pilas na ay mepalulung siya. Pero u tolay a u Banal a Ispirito u sássunudán na ay magkahod siya ti biyag a awan ti kahád.