Roma 8:4 - U Maganda A Baheta Ni Jesu-Cristo

⁴ Ginimet iye nu Diyos tánni u ipatupad nu Kautusan ay matupad tam be a mabiyag tu págiyya nu Banal a Ispirito sakay bakán a ayun tu makasalanan tam a pagkatolay.

Roma 8:4 ပူးပေါင်းရင်းမြစ်များ

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Roma 2:26

Ni u hentil a awan nature ay maggimet ti maganda a ayun tu kinagi nu Kautusan, awan beman siya ibilang nu Diyos a ture?

Roma 3:31

U gusto na beman a kagiyán ay bali-awanán mi dán u Kautusan? Awan! Dipo u tatahoden ay mas lalo mi pa a tinupad u layunin nu Kautusan.

2 Corinto 10:2

Ipákpágguhon ko nikam a dyanák moy pilitán a magupos ti masaket káddemát ko hina. Dipo handaák a umatubang sakay pagupusan u tolay a nagkagi nikam a makamundu kan u kákkabiyag me.

2 Corinto 10:3

Dipo maski ni tolay kami la ay awan kame mákpaglaban ayun tu pámmalakad ni munduway.

Galacia 5:16

Sa iye u kagiyán ko nikam, “U Banal a Ispirito u magin patnubay moy tu biyag moy sakay dyan kam paalipin tu kagustuwan nu pilas.”

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

Hebreo 12:23

Umadene kam tu masaya a paggipun-ipun nu imbilang nu Diyos a panganay a anak na hide a nakalista ti langet u ngaha-ngahan de. Umadene kam tu Diyos a hukum nu atanan, sakay tu ispirito nu tolay hide a inturing nu Diyos a banal sakay ginimet na dán a ganap.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 14:5

Maski nikan ay awan hide nagbule-bule kaya awan nide ti mepintas.