Roma 8:34 - U Maganda A Baheta Ni Jesu-Cristo

³⁴ Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

Roma 8:34 ပူးပေါင်းရင်းမြစ်များ

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Juan 16:23

Ti aldiwan itod ay awan moy dán kailangan a magtanung nikán. Kagiyán ko nikam u tatahoden: Anya man u agidan moy tu Ama tu pamamag-itan nu ngahan ko ay iyatád na.

Gimet 2:24

Pero nadid ay biniyag siya a huway nu Diyos sakay inibutan na u kapangyariyan nu kamatayan nikuna dipo awan maare a maghare nikuna u kamatayan.

Roma 14:13

Kanya dyan kitamon humatul tu balang essa. Ni awan iwasan tam a maggimet ti ányaman a bagay a magin dahilan nu págkakasala nu kapatkákka tam.

Roma 14:9

Iye u dahilan ni bakin natay sakay nabiyag a huway ti Cristo, tánni magin Panginoon siya nu biyag hide sakay nu patay hide.

Roma 4:25

Impabuno de ti Jesus, dipo tu kasalanan tam hide, sakay biniyag a huway tánni mebilang kitam a awan ti kasalanan.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:27

Sakay maintendiyan nu Diyos a makatukoy tu lasán nu puso nu tolay u ánya man a kagiyán nu Banal a Ispirito. Dipo u Banal a Ispirito u mamagitan para nikitam a anak nu Diyos, sakay iye ay palagi a ayun tu kaluuben nu Diyos.

Colosas 3:1

Nadid, dipo nebilang kamon a nabiyag a huway a kaguman ni Cristo, ituun moy u isip moy tu bagay hide a katoy ti langet tu páppágyanan ni Cristo a mággetnod tu kawanan nu Diyos.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Hebreo 9:24

Dipo ti Cristo ay awan simmáddáp tu Lugar a Kabanalan a ginimet ni tolay, sakay mageletrato la nu tatahoden, nan tu lugar a kabanalan ti langet. Nadid ay katoy dán siya tu atubang nu Diyos a mamag-itan para nikitam.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.