Roma 8:28 - U Maganda A Baheta Ni Jesu-Cristo

²⁸ Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

Roma 8:28 ပူးပေါင်းရင်းမြစ်များ

Markos 12:30

Kanya mahalán mo u Panginoon mo a Diyos ti buo mo a isip, buo a kaliduwwa, sakay tu buo mo a begsák!

Gimet 13:48

Nikuna nasaneg iye nu hentil hide ay tunay u saya de sakay nagpure hide tu Panginoon dipo tu upos na. Sakay atanan a pinile nu Panginoon a magkahod ti biyag a awan ti kahád ay summampalataya.

Roma 11:29

Dipo u Diyos ay awan magbabagu ti isip tu págpile na sakay págpapala.

Roma 8:30

Kanya u tolay hide a pinile nu Diyos tu itod pa ay dinulaw na tánni magin anak na hide, sakay u dinulaw na hide ay imbilang na hide a matuwid, sakay u imbilang na hide a matuwid ay inatádden na ti karangalan.

Roma 9:11

Impakilala nu Diyos a u págpile na ay ayun tu sadile na a plano sakay bakán a tu gimet nu tolay. Dipo bagu pa a meenak u anak hide sakay bagu pa a makagimet ti maganda oni madukás,

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 1:24

Pero tu dinulaw hide nu Diyos, Judio man oni Griego, ti Cristo u kapangyariyan sakay karunungan nu Diyos.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

1 Corinto 2:9

Pero konna he u nakasulat tu Kasulatan, “Awan palla ti tolay a naketa oni nakasaneg, sakay nakatukoy, tu bagay hide a inhanda nu Diyos para tu magmahal hide nikuna.”

2 Corinto 5:1

Nadid, tukoy tam a masida u bággi tam a luta a kumán a bilay a páppágyanan tam mentaras a katoy kitam palla ti munduwáy. Pero tukoy tambe a te inhanda u Diyos a para nikitam a bággi a panglanget. Iye ay awan mata-matay magpakahanggan dipo iye ay ginimet nu Diyos, bakán a ginimet nu tolay.

Galacia 1:15

Pero tu kagbi nu Diyos ay piniliyák na dán a magin tagapagserbi na, baguwák pa a neenák.

Galacia 1:6

Nagtakaák ni bakin alisto kam a immadág tu Diyos a nangdulaw nikam tu pamamag-itan nu kagbi ni Cristo. Sakay inumagton kam tu baka-bakán a u kagi moy ay maganda a baheta.

Galacia 5:8

Awan iye gimitán nu Diyos a nangdulaw nikam.

Efeso 3:11

Iye u plano nu Diyos sapul pa tu sapul sakay tinupad na iye tu pamamag-itan ni Cristo Jesus a Panginoon tam.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Filipos 3:14

Kaya magtulos-tulusák ngane a patamo tu hangganan tánni matanggap ko u gantimpala a awan ti iba nan u pángdulaw nikán nu Diyos a mabiyag ti langet tu pamamag-itan ni Cristo Jesus.

1 Tesalonica 5:9

Awan kitam pinile nu Diyos para parusaan nan para iligtas na kitam tu pamamagitan nu Panginoon tam a ti Jesu Cristo.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

1 Juan 4:10

Iye u tatahoden a págmahal: bakán a minahal tam u Diyos, nan hikitam u minahal na. Iye u dahilan kanya na he a pinaangay u Anak na tánni magin alay para tu kapatawaden nu kasalanan tam hide.

1 Juan 4:19

Magmahal kitam dipo u Diyos u dipalongo a nagmahal nikitam.

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.