Roma 8:15 - U Maganda A Baheta Ni Jesu-Cristo

¹⁵ Dipo awan kam timmanggap ti ispirito nu kákkaalipin tánni huway a manteng. U tinanggap moy ay Ispirito a magin anak nu Diyos, sakay iye u mangatád nikitam ti karapatan a dumulaw nikuna a, “Ama! Ama ko!”

Roma 8:15 ပူးပေါင်းရင်းမြစ်များ

Mateo 25:25

Nantengák kanya inkali ko dálla tu luta u pilak mo. Atoy la u essa mo a libo.’

Markos 14:36

Impagdasal na, “Ama, Ama ko! Tukoy ko a magimet mo u atanan a bagay. Ni maare ay diyanák mo ped pabayan a maghirap. Pero bakán a u kagustuwan ko u masunud nan u kagustuwan mo.”

Lukas 11:2

kinagi na nide, “Ni magdasal kam ay konna he u kagiyán moy, ‘Ama, puriyán nakwa u banal mo a ngahan. Maghare ka nakwa nikame.’

Lukas 22:42

Kinagi na, “Ama, ni maare ay iyadeyo ped nikán i pághirapan iye. Pero bakán a u kagustuwan ko u masunud nan u kagustuwan mo.”

Lukas 8:28

Pákketa na ni Jesus ay pimmákhaw siya sakay limmuhud tu atubang na. Sakay kinagi na ti mabegsák, “Jesus a Anak nu Diyos a dakila, ánya pák-alam muway nikán? Kagbiyanák mo ped, dyanák mo parusaan.”

Lukas 8:37

Nákkekagbi u taga Geraseno hide ni Jesus a lumakad dán siya tu banuwan de dipo grabi u ánteng de. Nákkekakagbi ni Jesus u lállake a pinalaya na tu mágkadukás hide a ispirito a ikuyog de siya. Pero kinagi nikuna ni Jesus, “Sole ka dán tu bilay moy sakay ibaheta mo u dakál a bagay a ginimet niko nu Diyos.” Di Jesus sakay tu disepulus na hide, ay simmakay tu abeng sakay limmakad dan hide. Nagsole ngane u lállake sakay imbábbaheta na tu buo banuwan u ginimet nikuna ni Jesus.

Juan 16:8

Káddemát na ay patunayan na tu tolay hide ti munduway a male u pákkaintendi de tungkul tu kasalanan, sakay tungkul tu pagkamatuwid, sakay tungkul tu pághatul nu Diyos.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Gimet 16:29

Nák-aged ti sulo u guwardiya sakay mágpapágpággán a nagginan a simmáddáp sakay limmuhud tu atubang di Pablo ay ti Silas.

Gimet 2:37

Nabalisa hide tu nasaneg de kanya kinagi de ni Pedro sakay tu agum hide a apostol a, “Kákkapatkákka me hide, ánya i dapat miyay a gimitán?”

Roma 8:16

U Banal a Ispirito sakay u ispirito tam ay pareho a mangpatunay a anak kitam nu Diyos.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

Roma 8:26

Sakay tulungan kitam nu Banal a Ispirito tu kahinaan tam. Awan tam tukoy ni kodya kitam a magdasal, kanya u Ispirito u mamagitan nikitam tu Diyos tu paraan a awan tam kaya a ikagi.

Roma 9:4

Bilang Israelita ay inturing hide nu Diyos a anak na, impeta na nide u kadakilaan na, naggimet u Diyos ti kasunduwan nide, inyatád na nide u Kautusan, tinolduwan na hide tu tama a págsamba sakay makpal a pananto u Diyos nide.

1 Corinto 2:12

Pero bakán a u ispirito nu mundu u tinanggap tam nan u Ispirito nu Diyos, tánni maintendiyan tam u kaluub hide a inyatád na nikitam.

2 Corinto 11:4

Dipo masaya kam a mangtanggap tu maskin deya a dumemát sakay mangaral ti iba a Jesus kesa tu impangaral me. Tinanggap moy u ispirito sakay adal a iba tu itáttoldu me nikam.

Galacia 2:4

Pero ti itod ay te nagware-ware a manampalataya hide a pimmurba a nángpilit tungkul tu págture. Nákpággagum hide nikame tán sidaán de u kalayaan a natanggap tam ni Cristo Jesus, tánni alipinan kitam a huway nu Kautusan.

Galacia 5:1

Nadid, ay malaya kitamon dipo pinalaya kitamon ni Cristo tu Kautusan a nangsakup nikitam. Kaya magpakatatag kam sakay dyan dán paalipin a huway!

Efeso 1:5

ay naplanu na dán tu itod a gimitán kitam a anak na tu pamamag-itan ni Jesu-Cristo ayun tu layunin sakay tu kaluuban na.

2 Timoteo 1:7

Dipo u Banal a Ispirito a inyatad nikitam nu Diyos ay bakán a ispirito nu ánteng nan Ispirito nu kapangyariyan, págmahal sakay págpugád ti sadile.

Hebreo 2:15

Sakay pinalaya na u nagapus hide ti ánteng ti kamatayan tu buu de a biyag.

Santiagu 2:19

Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng.

1 Juan 4:18

Awan ti kahalo a ánteng u págmahal, dipo u tatahoden a págmahal ay ibutan na u atanan a ánteng. Kanya ni deya man u manteng ay awan palla nikuna u tatahoden a págmahal. Dipo u ánteng ay kaguman nu parusa.