Roma 8:10 - U Maganda A Baheta Ni Jesu-Cristo

¹⁰ Pero dipo mágyan dán nikam ti Cristo maski matay dán u bággi moy dipo tu kasalanan ay biyag u ispirito moy dipo imbilang kamon nu Diyos a matuwid.

Roma 8:10 ပူးပေါင်းရင်းမြစ်များ

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 15:5

Hikán u ponan nu ubas sakay hikam u pinget hide. U tolay a manatile nikán sakay manatiliyák be nikuna ay siya u magbunga ti makpal. Dipo awan kam ti magimet ni hiwalay kam nikán.

Juan 17:23

Hikán ay hod nide sakay hiko ay hod nikán, tánni tatahoden a magin essa hide. Tán matukuyan nu taga-mundu hide a pinaangayák mu he, sakay matukuyan di be a mahal mo u maniwala hide a konna tu págmahal mo nikán.

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 6:54

Pero u kuman tu bággi ko sakay uminom tu dige ko ay magkahod ti biyag a awan ti kahád, sakay biyagán ko siya a huway tu katapusan a aldew.

Juan 6:56

U kuman tu bággi ko sakay uminom tu dige ko ay manatile nikán, sakay manatiliyák be nikuna.

Roma 5:12

Nadid, nagkahod ti kasalanan ti munduway dipo tu kassuway ni Adan tu utus nu Diyos. Sakay dipo tu kasalanan na ay nagkahod be ti kamatayan. Kanya matay u atanan a tolay, dipo nagkasala u atanan.

Roma 5:21

Kanya ni kodya a naghare u kasalanan tu pamamag-itan nu kamatayan, konna labe hod, maghare u habag nu Diyos sakay tu pángbilang na nikitam a awan ti kasalanan tu pamamag-itan nu Panginoon tam a ti Jesu-Cristo, tánni maranasan tam u biyag a awan ti kahád.

Roma 8:11

Sakay dipo mágyan dán nikam u Ispirito nu Diyos a nangbiyag a huway ni Jesu-Cristo, itod be a Diyos u mangatád ti biyag tu bággi moy a te kamatayan tu pamamag-itan nu Ispirito nu Diyos a mágyan nikam.

1 Corinto 15:45

Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

2 Corinto 13:5

Suriyán moy u sadile moy tánni matukuyan moy a talaga ni tehhod kam a pánnampalataya ni Cristo; purbaan moy sadile moye. Awan moy beman tukoy a katoy nikam ti Cristo Jesus? Maliban dálla ni awan kam tunay a mánnampalataya.

2 Corinto 4:11

Dipo lagi kame a katoy tu dilikadu a kalagayan alang-alang ni Cristo, tanni tu pamamag-itan nu bággi me a matay, ay mehayag a biyag siya.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Efeso 3:17

Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.

Filipos 1:23

Ti duwwaan iye a pagpiliyan ay he dák ti ballog: ni mabiyag palla oni matay dán. Gusto ku dán nakwa a matay tánni makaguman ko dán ti Cristo, dipo iye u mas maganda para nikán.

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

1 Tesalonica 4:16

Ti aldiwan itod a kassidung nu Panginoon a gábwat ti langet, ay tehhod a masaneg u tolay hide a mabegsák a utus, a ipakhaw nu arkanghel, sakay u tánnog nu trumpeta nu Diyos. U nágkatay dán hide a mánnampalataya ni Cristo ay biyagán pa.

Hebreo 12:23

Umadene kam tu masaya a paggipun-ipun nu imbilang nu Diyos a panganay a anak na hide a nakalista ti langet u ngaha-ngahan de. Umadene kam tu Diyos a hukum nu atanan, sakay tu ispirito nu tolay hide a inturing nu Diyos a banal sakay ginimet na dán a ganap.

Hebreo 9:27

Netakda tu tolay a pumensan la a matay, káttapos ay u pághatul.

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”