Ni awanák naggimet tu atubang de ti makataka-taka a awan magimet nu ti deyaman, maare de a kagiyan a awan hide ti kasalanan. Pero nadid te kasalanan hide, ta maski ni netan de u ginimet ko a makataka-taka, ay naiyamut hide nikame ay tu Ama ko.
Dipo awan ni ti deyaman u ibilang nu Diyos a awan ti kasalanan tu pamamag-itan nu kássunud tu Kautusan. Nan u Kautusan u mángpeta tu kasalanan nu tolay.
U Kautusan ay inyatád nu Diyos tánni ketan nu tolay a makpal u kasalanan de, sakay nadag-dagen pa dipo tu Kautusan. Pero maski ni nadag-dagen u págsuway ay mas lalo a nadagdagen u habag nu Diyos.
U gusto na beman a kagiyán a u mágkaganda a bagay u nangatád nikán ti kamatayan? Awan! U kasalanan ay siya u nangatád nikán ti kamatayan. Ginamit nu kasalanan u Kautusan a essa a maganda a bagay, tánni mahatulanák ti kamatayan. Sakay dipo hod, ay natukuyan ko ni sakodya ti kadukás u kasalanan.