Roma 7:25 - U Maganda A Baheta Ni Jesu-Cristo

²⁵ Salamat tu Diyos, dipo siya u mángligtas nikán tu pamamag-itan ni Jesu-Cristo a Panginoon tam. Ni konna hod, iye u kalagayan ko, u isip ko ay magpasakupák tu Kautusan nu Diyos, pero dipo tu makasalanan ko a pagkatolay ay magkasalaák pade.

Roma 7:25 ပူးပေါင်းရင်းမြစ်များ

Mateo 1:21

Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”

Roma 6:14

Dipo awan dán dapat a maghare pa nikam u kasalanan, dipo awan kamon sakup nu Kautusan ni awan sakup dán nu habag nu Diyos.

Roma 6:17

Pero salamat tu Diyos dipo hikam a date a alipin nu kasalanan ay buo a puso moy dán a sinunud u adal a intoldu nikam.

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

1 Corinto 15:57

Pero magpasalamat kitam tu Diyos ta inatádden na kitam ti tagumpay tu pamamag-itan nu Panginoon tam a ti Jesu-Cristo!

2 Corinto 9:15

Salamat tu Diyos dipo tu kaluub na a awan ti kapareho!

Efeso 5:20

Bilang mánnampalataya tu Panginoon tam ati Jesu-Cristo lagi kam a magpasalamat tu Diyos Ama maski ánya man u mangyare nikam.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Filipos 4:6

Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.

Colosas 3:17

Sakay ánya man u gimitán moy magin tu pággupos oni tu gimet, ay gimitán moy a atanan tu ngahan nu Panginoon Jesus, sakay magpasalamat kam tu Diyos Ama tu pamamag-itan na.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.