Roma 7:15 - U Maganda A Baheta Ni Jesu-Cristo

¹⁵ Awan ko maintendiyan u sadili ko. Dipo awan ko magimet u mágkaganda hide a bagay a gusto ko a gimitán, sakay u bagay hide a umád ko a gimitán u gággimitán ko.

Roma 7:15 ပူးပေါင်းရင်းမြစ်များ

Lukas 11:48

Dipo ti ginimet moyan itod ay hikam labe i nagpatunayay a immayun kam tu ginimet nu ninunu moy hide, dipo hide u nangbuno tu prupeta hide sakay hikam be u nággimet tu páglábbángngan de.

Juan 15:15

Awan takamon ibilang a alipin, dipo awan tukoy nu alipin ni ánya u gággimitán nu amo na. Nan, inturing takamon a amigu ko, dipo kagiyán ko nikam u atanan a nasaneg ko tu Ama.

Roma 12:9

Magmahalan kam a tehhod a katapatan. Kaiyamutan moy u madukás sakay palagi kam a maggimet ti maganda.

Roma 14:22

Kanya ányaman u pánniwala mo ti bagayan iye hide, hiko dálla sakay u Diyos u dapat a makatukoy. Mapalad u tolay a awan gágguluwán nu konsensiya na dipo tu pággimet na tu bagay hide a tukoy na a tama.

Roma 7:16

Nadid, ni awan ko gimitán u mágkadukás hide a gággimitán ko, u gusto na a kagiyán ay sang-ayunák tu kinagi nu Kautusan ay maganda.

Galacia 5:17

Dipo u hilig nu pilas ay kontara tu kagustuwan nu Banal a Ispirito. Sakay u gusto be nu Banal a Ispirito ay kontara tu kagustuwan nu pilas. Magkalaban i duwwaan iye, kanya awan moy magimet u gusto moy a gimitán.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

Hebreo 1:9

Masaya ka tu maggimet ti maganda, pero u masássuwayán ay sasala mo. Kanya pinile ka nu Diyos a Diyos mo, sakay inatádden na ka ti kasayaan a higit tu kaguman mo hide.”

Santiagu 3:2

Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.

Judas 1:23

Tulungan moy u agum tán maligtas hide tu kaparusaan. U agum ay kagbiyan moy pero magingat kam tu mágkadukás de a gimet. Kaiyamutan moy maskin u badu de a nadangáttan tu mágkadukás de hide a gimet.