Roma 7:14 - U Maganda A Baheta Ni Jesu-Cristo

¹⁴ Tukoy tam a u Kautusan ay maganda dipo gábwat tu Banal a Ispirito nu Diyos. Pero hikán ay makamundu, sakay alipin nu kasalanan.

Roma 7:14 ပူးပေါင်းရင်းမြစ်များ

Mateo 16:23

Pero kinagiyan siya ni Jesus, “Umadeyo ka Satanas! Essa ka a hadlang nikán. U isip mo ay bakán a tu Diyos nan kao nu tolay.”

Mateo 18:25

Dipo awan siya makabayad ay inyutos nu hare a ilako siya, u kabanga na, u anak na hide, sakay u atanan nu ari-arian na para pangbayad.

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Mateo 5:28

Pero nadid itoldu ko nikam a ni ti deya man u umileng la tu bábbey a te soh a dumuhog ay nagkasala dán ti pángngibábbey tu isip na.

Lukas 5:8

Pákketa ni Simon Pedro tu nangyare ay limmuhud siya tu atubang ni Jesus sakay kinagi na, “Adeyuwanák mo Panginoon, dipo makasalananák a tolay.”

Lukas 7:6

Kanya nákkuyog nide ti Jesus, pero nikuna adene dán siya tu bilay ay inpatagbu siya nu kapitan tu barkada na hide, sakay impekagi na iye ni Jesus, “Panginoon, pekagi ben ni kapitan a dyan ka kan dálla magabala a angay tu bilay na dipo awan kan siya karapat-dapat a angay mo bisitaán.

Roma 3:9

Ánya nadid u makagi tam? Hikitam beman a Judio ay mas higit tu bakán hide a Judio? Awan! impaliwanag ko dán, a atanan a tolay ay makasalanan, Judio man oni bakán a Judio.

Roma 6:6

Tukoy tam a u date tam a pagkatolay ay nepako dán tu kudus a kaguman ni Cristo, tánni matay u makasalanan tam a bággi, tánni awan kitamon maalipin pa nu kasalanan.

Roma 7:18

Tukoy ko a awan ti maganda tu makasalanan ko a pagkatolay, dipo ni gusto ko a maggimet ti maganda, ay awan ko labe iye magimet.

Galacia 4:3

Konna labe nikitam, nikuna a awan kitam palla mánnampalataya ni Cristo, alipin kitam palla nu toldu hide ti munduwáy.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Hebreo 4:12

Dipo u upos nu Diyos ay biyag sakay makapangyariyan sakay mas matalas nan u áttak a magdiluputan ti tadám, ladássán na hanggan tu paghiwalayan nu kaliduwwa sakay ispirito, kasukasuwan hanggan tu uták nu tulang. Sakay tukoy na u katoy tu isip sakay plano nu tolay.