Roma 6:9 - U Maganda A Baheta Ni Jesu-Cristo

⁹ Dipo tukoy tam a ti Cristo ay nabiyag a huway sakay awan dán matay a huway. Awan dán nikuna ti kapangyariyan u kamatayan.

Roma 6:9 ပူးပေါင်းရင်းမြစ်များ

Roma 5:14

Konna pa man hod, ay naghare pade u kamatayan sapul ni Adan hanggan ni Moises, maski ni u kasalanan de ay awan kapareho nu kássuway ni Adan. Ti Adan ay kumán a letrato ni Cristo a inasaan tu itod a dumemát. Dipo pareho hide a te impamana tu katolayan.

Roma 6:10

Nikuna a natay siya, ay natay siya a pumensan para tu kasalanan nu tolay hide, sakay u biyag na nadid ay para tu ikasaya nu Diyos.

Roma 6:14

Dipo awan dán dapat a maghare pa nikam u kasalanan, dipo awan kamon sakup nu Kautusan ni awan sakup dán nu habag nu Diyos.

Roma 6:4

Kanya nikuna a nabawtismuwan kitam, nelábbáng kitam a kaguman ni Cristo tánni makaguman na kitam be a mabiyag. Kanya ni kodya a nabiyag ti Cristo tu pamamag-itan nu dakila a kapangyariyan nu Ama, hikitam be ay mabiyag tu bigu a biyag.

Hebreo 7:16

Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.