Roma 6:4 - U Maganda A Baheta Ni Jesu-Cristo

⁴ Kanya nikuna a nabawtismuwan kitam, nelábbáng kitam a kaguman ni Cristo tánni makaguman na kitam be a mabiyag. Kanya ni kodya a nabiyag ti Cristo tu pamamag-itan nu dakila a kapangyariyan nu Ama, hikitam be ay mabiyag tu bigu a biyag.

Roma 6:4 ပူးပေါင်းရင်းမြစ်များ

Juan 11:40

Kinagi ni Jesus nikuna, “Awan beman kinagi ko dán niko a ni maniwala ka ay ketan mo u kapuriyan nu Diyos?”

Juan 2:11

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Gimet 2:24

Pero nadid ay biniyag siya a huway nu Diyos sakay inibutan na u kapangyariyan nu kamatayan nikuna dipo awan maare a maghare nikuna u kamatayan.

Gimet 2:32

Iye ay ti Jesus a biniyag nu Diyos a huway, napatunayan me a nabiyag siya a huway dipo netan me.

Roma 6:19

Magupusák tu pangkaraniwan a paraan para alisto moy a maintendiyan. Nikuna a nagpaalipin kam tu kadukássan sakay nagin madukás kam ngane. Nadid ay paalipin kam tu katuwiran tánni magin tunay kam a banal.

Roma 6:3

Awan moy beman tukoy a atanan tam ay nabawtismuwan ni Cristo Jesus, u gusto na a kagiyán ay kaguman kitam tu kákkatay na?

Roma 6:8

Sakay ni hikitam ay natay a kaguman ni Cristo, maniwala kitam a mabiyag kitam be a kaguman na.

Roma 6:9

Dipo tukoy tam a ti Cristo ay nabiyag a huway sakay awan dán matay a huway. Awan dán nikuna ti kapangyariyan u kamatayan.

Roma 7:6

Pero nadid u kapareho tam ay u patay a awan sakup nu Kautusan i Kautusanan iye ay siya u nangalipin nikitam dipo awan tam kaya a sunudán. Pero nadid ay nawan dán u pagkukulang tam tu awan tam págsunud tu Kautusan. Kaya nadid u págserbi tam tu Diyos ay bakán dán a tu date a biyag a sakup nu Kautusan ni awan tu bigu a biyag a inyatád nu Ispirito Santo.

Roma 8:11

Sakay dipo mágyan dán nikam u Ispirito nu Diyos a nangbiyag a huway ni Jesu-Cristo, itod be a Diyos u mangatád ti biyag tu bággi moy a te kamatayan tu pamamag-itan nu Ispirito nu Diyos a mágyan nikam.

1 Corinto 6:14

Sakay biniyag a huway nu Diyos u Panginoon a ti Jesus. Kaya hikitam be ay mabiyag a huway tu pamamag-itan nu kapangyariyan na.

2 Corinto 13:4

Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

Efeso 4:17

Tu ngahan nu Panginoon, kagiyán ko iye nikam: dyan kamon mabiyag a konna tu tolay a awan nakatengge tu Diyos. Awan ti seserbi u áisipán de.

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

Colosas 3:10

sakay impalit moy dán u bigu moy a pagkatolay. Tulos-tulos iye a mabagu sakay magin kahupa nu Diyos a nanglalang nikam, tánni mas lalo moy siya a matenggi.

Colosas 4:1

Amo hide, magin mabait kam sakay pantay u pángtrato moy tu alipin hide. Alalahanán moy a tehhod kam be a Panginoon ti langet.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.