Roma 6:2 - U Maganda A Baheta Ni Jesu-Cristo

² Awan! Awan kitamon dapat mabiyag, tu págkakasala dipo konna kitam tu essa a patay a awan dán magkasala.

Roma 6:2 ပူးပေါင်းရင်းမြစ်များ

Lukas 20:16

“Angay siya hod sakay bunuwan na u katiwala hide tu kaubasan sakay iyatád na tu agum u uma na.” Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!”

Roma 5:11

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.

Roma 6:15

Nadid, maggimet kitam pa beman ti kasalanan dipo awan kitamon sakup nu kapangyariyan nu Kautusan, nan sakup dán nu kapangyariyan nu habag nu Diyos? Awan!

Roma 7:4

Konna labe hod kákkapatkákka ko hide. Natay kamon tu Kautusan tu pamamag-itan nu kákkatay ni Cristo. Nabiyag a huway. Sakay hikam ay kao na dán tánni magbunga kam ti mágkaganda a gimet para tu ikasaya nu Diyos.

Roma 7:6

Pero nadid u kapareho tam ay u patay a awan sakup nu Kautusan i Kautusanan iye ay siya u nangalipin nikitam dipo awan tam kaya a sunudán. Pero nadid ay nawan dán u pagkukulang tam tu awan tam págsunud tu Kautusan. Kaya nadid u págserbi tam tu Diyos ay bakán dán a tu date a biyag a sakup nu Kautusan ni awan tu bigu a biyag a inyatád nu Ispirito Santo.

Galacia 2:19

U tatahoden tu pamamag-itan a mismo nu Kautusan ay natukuyan ko a awan dán ti kapangayarihan u Kautusan nikán kaya malayaák dán a mabiyag para tu Diyos.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Colosas 2:20

Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,

Colosas 3:3

dipo kumán kamon a natay tu date moy a kákkabiyag, sakay u tatahoden moy a biyag ay katoy tu Diyos, kaguman ni Cristo.

1 Pedro 1:14

Bilang anak a masássunudán, ay dapat dyan kam magpaalipin tu mágkadukás a kagustuwan nu pilas konna tu gággimitán moy tu itod nikuna a awan moy palla tukoy u Diyos.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Juan 3:9

U tatahoden a anak nu Diyos ay awan magtulos-tulos a maggimet ti kasalanan dipo katoy nikuna u biyag a gábwat tu Diyos. Sakay dipo u Diyos dán u ama na, awan dán siya maare a magtulos-tulos a maggimet ti kasalanan.