Roma 6:19 - U Maganda A Baheta Ni Jesu-Cristo

¹⁹ Magupusák tu pangkaraniwan a paraan para alisto moy a maintendiyan. Nikuna a nagpaalipin kam tu kadukássan sakay nagin madukás kam ngane. Nadid ay paalipin kam tu katuwiran tánni magin tunay kam a banal.

Roma 6:19 ပူးပေါင်းရင်းမြစ်များ

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

Roma 3:5

Nadid, te agum a tolay a magkagi a masmaganda kan a maggimet kitam ti madukás, para ketan kan nu tolay hide a tama u gimet nu Diyos. Kaya kákkagiyán de a awan na kitam kan dapat a parusaan tu kasalanan tam.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

Roma 7:23

Pero tehhod a agum a kapangyariyan a magahikad tu sadili ko. Tu isip ko ay gustu ko a maggimet ti maganda pero iba be u gimitán nu bágge ko dipo u madukás a kagustuwan nu bágge ko u lagi a masunud kanyaák a magkasala.

Roma 8:26

Sakay tulungan kitam nu Banal a Ispirito tu kahinaan tam. Awan tam tukoy ni kodya kitam a magdasal, kanya u Ispirito u mamagitan nikitam tu Diyos tu paraan a awan tam kaya a ikagi.

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

1 Corinto 9:8

U kákkagiyán ko ay awan la neayun tu isip nu tolay; nan konna be hod u nesulat tu Kautusan.

Galacia 3:15

Kákkapatkákka ko hide, iye u karaniwan a halimbawa. Ni napirmaan dán u essa a kasunduwan ay awan dán iye maare a mabagu nu maskin deya. Sakay awan dán be iye maare a dagdagan.

Hebreo 12:15

Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.