Roma 6:17 - U Maganda A Baheta Ni Jesu-Cristo

¹⁷ Pero salamat tu Diyos dipo hikam a date a alipin nu kasalanan ay buo a puso moy dán a sinunud u adal a intoldu nikam.

Roma 6:17 ပူးပေါင်းရင်းမြစ်များ

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 28:15

Nikuna a mabaheta nu kákkapátkakka hide ti pánnampalataya ti Roma u tungkul nikame ay immangay hide tu Tindaan de Apio, sakay u agum ay hod tu Tállo a bilay a áupaan tanni tagbuwan di kame hod. Nikuna ketan ni Pablo u kákkapátkakka hide ay nagpasalamat siya tu Diyos sakay bimmegsák u isip na.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 1:8

Dipalongo tu atanan ay magpasalamaták tu Diyos tu pamamagitan ni Jesu-Cristo dipo nikam a atanan, dipo mabábbaheta dán u pánnampalataya moy tu buo a mundu.

Roma 15:18

Sakay u ipagmadakál ko a iye ay awan ti iba ni awan u ginimet ni Cristo tu pamamag-itan ko, a naakit ko u bakán hide a Judio a sumunud tu Diyos tu pamamag-itan nu toldu ko hide sakay tu gimet ko hide.

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

Roma 2:8

Pero tu agum hide a awan ti áisipán nan u sadile di la sakay umád de a sumunud tu tatahoden nan tu kadukássan ay ipadanas nide nu Diyos u garabi a iyamut na.

1 Corinto 1:4

Pirmiyák a magpasalamat tu Diyos dipo tu págpapala a inyatád na nikam tu pamamag-itan ni Cristo Jesus.

1 Corinto 14:6

Kaya kákkapatkákka ko hide, ni ummangayák man hina sakay nagupos ti iba-iba a upos, anya u pakinabang moy nikán? Siyempre awan! Makinabang kam la ni itoldu ko nikam u mensahe nu Diyos a natukuyan ko, oni u pahayag hide nu Diyos tungkul tu mangyare hide tu dumemát a aldew, karunungan, sakay u adal hide a makatulung nikam.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

Efeso 1:16

ay awanák ti imang a mágpapasalamatán tu Diyos dipo nikam. Sakay palagi takam la a idáddasal.

1 Tesalonica 3:9

Kodya mi wád a mapasalamatan ti husto u Diyos dipo tu kasayaan a natanggap me dipo nikam?

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

2 Timoteo 1:13

Sunudán mo u tatahoden a adal a intoldu ko niko. Manatile ka tu pánnampalataya sakay tu págmahal a natanggap tam tu pákpagkaessa tam ni Cristo Jesus.

Filemon 1:4

Pirmiyák a magpasalamat tu Diyos kada ipagdasal taka,

Hebreo 11:8

Dipo tu pánnampalataya tu Diyos ay sinunud ni Abraham u utus nu Diyos a umangay tu lugar a inpananto na nikuna. Simmunud ngane siya maski awan na tukoy ni hádya angayan naay.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Pedro 3:1

Hikam a bábbey hide, pasakup kam tu kákkabanga moy hide. Ni tehhod palla nide a awan naniwala tu upos nu Diyos ay maakit la be ina hide dipo tu maganda moy a gimet. Maski ni awan kamon magpaliwanag nide,

1 Pedro 4:17

Nadid, adene dán a dumemát u panahun nu pághatul nu Diyos. Tu pághatul na ay idipalongo na a hatulan u pinile na hide. Ni hikitam a anak na idipalongo naay a hatulan ay tunay ti dágge u parusa a maguhay tu tolay hide a awan maniwala tu Maganda a Baheta a gábwat tu Diyos.

2 Juan 1:4

Masayaák a tahod ta netan ko a simmampalataya tu tatahoden u agum hide a anak mo. Gággimitán de u inyutus nu Ama nikitam.

3 Juan 1:3

Masayaák a tahod nikuna dimmemát u agum tam a kákkapatkákka sakay imbaheta de nikán a tapat ka tu tatahoden sakay talaga a nabiyag ka ayun ti iye.