Roma 6:14 - U Maganda A Baheta Ni Jesu-Cristo

¹⁴ Dipo awan dán dapat a maghare pa nikam u kasalanan, dipo awan kamon sakup nu Kautusan ni awan sakup dán nu habag nu Diyos.

Roma 6:14 ပူးပေါင်းရင်းမြစ်များ

Mateo 1:21

Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 8:36

Kanya ni u Anak dán u magpalaya nikam ay talaga malaya kamon.

Roma 11:6

Pinile na hide dipo tu habag na, bakán a dipo tu mágkaganda a gimet de hide, dipo ni tu mágkaganda de a gimet ay awan iye mebilang a habag.

Roma 4:16

Kanya u pananto nu Diyos ay nakabase tu pánnampalataya, tánni iye ay magin págpapala sakay talaga a matanggap nu atanan a lahe ni Abraham, bakán la tu Judio hide a timmanggap tu Kautusan, nan maske tu bakán hide a Judio a mánnampalataya a konna ni Abraham dipo siya u ama tam a atanan.

Roma 5:17

Ta dipo tu kasalanan nu essa a tolay ay naghare u kamatayan. Pero dipo tu ginimet nu essa a tolay a ti Jesu-Cristo, u tolay hide a timmanggap ti kagbi sakay kaluub nu Diyos, ay imbilang na a awan ti kasalanan, sakay maghare hide tu biyag a awan ti kahad.

Roma 5:18

Kanya dipo tu kasalanan nu essa a tolay, u atanan ay nahatulan tu kaparusaan. Konna man hod, dipo tu matuwid a ginimet nu essa a tolay, u atanan ay mebilang a awan ti kasalanan sakay maatádden ti biyag a awan ti kahád.

Roma 6:12

Dyan moy dán pabayan a maghare u kasalanan tu bággi moy a matay tánni awan kamon maalipin tu atanan a kagustuwan na.

Roma 6:15

Nadid, maggimet kitam pa beman ti kasalanan dipo awan kitamon sakup nu kapangyariyan nu Kautusan, nan sakup dán nu kapangyariyan nu habag nu Diyos? Awan!

Roma 8:12

Kanya kákkapatkákka ko hide, dyan kitamon mabiyag a ayun tu makasalanan tam a pagkatolay.

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

Galacia 3:23

Nikuna a awan tam palla tukoy u tungkul tu pánnampalataya ay maparusaan kitam nakwa dipo tu awan tam kássunud tu Kautusan. Sakay awan kitam ti pag-asa a maligtas hanggan a mehayag nikitam u tungkul tu pánnampalataya.

Galacia 4:21

Sa iye u tanung ko nikam, hikam a te gusto a pasakup tu Kautusan: awan moy beman nasaneg u kinagi nu Kautusan?

Galacia 5:18

Pero ni igiyya kam nu Banal a Ispirito ay awan kamon sakup nu Kautusan.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 8:10

“Iye u bigu ko a kasunduwan tu Israelita hide, káddemát ni aldiwan itod,” Kagi nu Panginoon: “Ay imula ko tu isip de u utus ko hide, sakay iyukit ko tu pusu de. Hikán u magin Diyos de, sakay hide u magin banuwan ko.