Roma 5:6 - U Maganda A Baheta Ni Jesu-Cristo

⁶ Nikuna awan kitam ti magimet para makaligtas tu parusa, natay ti Cristo para tu kasalanan tam hide tu panahun a intakda nu Diyos.

Roma 5:6 ပူးပေါင်းရင်းမြစ်များ

Roma 11:26

Káttapos ni ina, ay maligtas u buo a Israel, konna tu kinagi na tu Kasulatan, “U Tagapagligtas ay gábwat tu banuwan nu Judio hide sakay ibutan na u madukás a gimet tu lahe ni Jacob.”

Roma 4:25

Impabuno de ti Jesus, dipo tu kasalanan tam hide, sakay biniyag a huway tánni mebilang kitam a awan ti kasalanan.

Roma 4:5

Pero inturing kitam nu Diyos a matuwid bakán a tu mágkaganda tam a gimet nan tu pánnampalataya tam tu Diyos a siya u nángturing tu makasalanan a matuwid hide.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 5:7

Bihira a mangyare a iyalay nu essa a tolay u biyag na para tu essa a matuwid a tolay. Maare labe a tehhod a magbegsák-isip a máng-atád tu biyag na para tu mabait a tolay.

Roma 5:8

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Colosas 2:13

Tu itod, ay nebilang kam a patay dipo tu kasalanan moy hide. Pero nadid ay biniyag kamon nu Diyos a kaguman ni Cristo. Sakay pinatawad na u kasalanan tam hide.

1 Tesalonica 5:9

Awan kitam pinile nu Diyos para parusaan nan para iligtas na kitam tu pamamagitan nu Panginoon tam a ti Jesu Cristo.

1 Timoteo 1:9

Tukoy tam be a u Kautusan ay bakán a para tu mágkabait a tolay, nan para tu awan hide sumássunud tu batas sakay tu loko hide. U Kautusan be ay para tu awan hide tumenggi tu Diyos sakay tu makasalanan hide, tu awan hide masoh a magin banal sakay tu awan hide ti galang tu Diyos. U Kautusan ay para be tu mámmuno hide tu dáddikál de sakay tu agum pa a mágbabonu hide,

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Hebreo 8:3

Tungkulin nu essa a pinakapuno a saserdote a magalay ti kaluub sakay alay. Kanya dapat a tehhod be a iyalay u pinakapuno a saserdote tam.

Hebreo 9:26

Dipo ni bakán a konna hod ay kailangan a pahuway-huway siya a matay sapul nikuna a lalangán i munduway. Pero pumensan la siya a immangay he, nadid a katapusan dán nu panahun tán buhaán na u kasalanan tu pamamag-itan nu pág-alay na tu sadile na.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.

Judas 1:15

tánni hatulan na u atanan. Parusaan na u awan hide tumenggi tu Diyos dipo tu mágkadukás de a gimet sakay awan págrespeto nikuna.”

Judas 1:18

Kinagi di dán nikam tu itod pa a, “Tu dimodyan a aldew ay te dumemát a tolay, pagtawaan de u upos nu Diyos, sakay u sássunudán di la ay u mágkadukás a kagustuwan nu bággi de.”

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.