Roma 5:10 - U Maganda A Baheta Ni Jesu-Cristo

¹⁰ Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 5:10 ပူးပေါင်းရင်းမြစ်များ

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Juan 5:26

U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Juan 6:57

U Ama ko a nangpaangay he nikan u pinaggabwatan ni biyag; kanya katoy be nikan u biyag a gabwat nikuna. Konna be tu kuman tu bággi ko ay atádden ku be siya ti biyag a gabwat nikan.

Roma 11:28

Dipo inadiyan nu Judio hide u Maganda a Baheta, kanya nagin kadima hide nu Diyos tánni hikam a bakán a Judio ay maatádden ti pagkakataun a maligtas. Pero ni u págpile nu Diyos u págguhunan, mahal pade hide nu Diyos dipo tu ninuno de hide.

Roma 5:11

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.

Roma 5:6

Nikuna awan kitam ti magimet para makaligtas tu parusa, natay ti Cristo para tu kasalanan tam hide tu panahun a intakda nu Diyos.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

Roma 8:7

Dipo kalaban nu Diyos u deyaman a sumunud tu gusto nu makasalanan a pagkatolay, dipo umád na a sumunud tu Kautusan nu Diyos sakay talaga a awan na magimet a sumunud.

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Efeso 2:16

Nadid, eessa kitam dalla a baggi tu pamamag-itan nu kákkatay na tu kudus; inibutan na u iyamut nu duwwa a lahe tu balang essa sakay pinagkasundu na kitam tu Diyos.

Efeso 2:3

Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

1 Juan 2:1

Anak ko hide, insulat ko iye hide nikam tánni awan kam magkasala. Pero ni magkasala man u deyaman ay te mángsuhog nikitam, u Ama. Siya ay ti Jesu-Cristo, u Matuwid.

1 Juan 4:10

Iye u tatahoden a págmahal: bakán a minahal tam u Diyos, nan hikitam u minahal na. Iye u dahilan kanya na he a pinaangay u Anak na tánni magin alay para tu kapatawaden nu kasalanan tam hide.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.