Roma 4:5 - U Maganda A Baheta Ni Jesu-Cristo

⁵ Pero inturing kitam nu Diyos a matuwid bakán a tu mágkaganda tam a gimet nan tu pánnampalataya tam tu Diyos a siya u nángturing tu makasalanan a matuwid hide.

Roma 4:5 ပူးပေါင်းရင်းမြစ်များ

Markos 9:23

Tinábbeg siya ni Jesus, “Bakin a na kagi mo a tehhodák a magimet? Mangyare u atanan para tu tolay a maniwala tu Diyos.”

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Juan 6:29

Timmábbeg ti Jesus, “Sa iye u ipagimet nu Diyos nikam, maniwala kam nikán a pinaangay na he.”

Roma 10:3

Dipo awan de tukoy ni kodya u pángbilang nu Diyos a awan ti kasalanan u essa a tolay. Nagsikap hide a maggimet ti sadile de a pamamaraan, nan sumunud tu pamamaraan nu Diyos.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 4:24

nan para be nikitam. Nebilang kitam a awan ti kasalanan dipo tu pánnampalataya tam tu Diyos a nangbiyag a huway tu Panginoon tam a ti Jesus.

Roma 4:3

dipo kinagi na tu Kautusan, “Nanampalataya ti Abraham tu Diyos, sakay dipo hod ay inbilang siya nu Diyos a matuwid.”

Roma 4:6

Iye u gusto a kagiyán ni hare a David nikuna a banggitán na u tungkul tu pagigin mapalad, nu tolay hide a inturing nu Diyos a matuwid bakán a tu mágkaganda de a gimet.

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.