Roma 4:21 - U Maganda A Baheta Ni Jesu-Cristo

²¹ Dipo nanalig siya ti husto a tupadán nu Diyos u pananto na.

Roma 4:21 ပူးပေါင်းရင်းမြစ်များ

Mateo 19:26

Inileng hide ni Jesus sakay kinagi, “Awan talaga iye magimet nu tolay, pero magimet nu Diyos u atanan a bagay.”

Lukas 1:1

Kagalang-galang a Teofilo, makpal dán u nagsikap a nagsulat tungkul tu ginimet ni Jesus nikuna a nákpágyan siya nikitam ti munduway.

Lukas 1:37

dipo kaya a gimitán nu Diyos u atanan a bagay.”

Lukas 1:45

Pinagpala ka ta naniwala ka a mangyare niko u impekagi nu Panginoon.”

Roma 14:4

Ti deya ka a manghatul tu utusan nu iba? U amo na la u makapanghatul nikuna ni tama u gággimitán na oni awan. Sakay magimet na u tama, dipo u Panginoon u mangtulung nikuna.

Roma 14:5

Tehhod a tolay a mángisip a mas mahalaga u essa a aldew kasera tu iba. Te tolay be a pare-pareho la u atanan a aldew para nikuna. U balang essa ay magdisisiyon tu sadile tungkul ti bagayan ina.

Roma 8:38

Awanák magduwwa-duwwa a awan ti makapánghiwalay nikitam tu págmahal nu Diyos. Maski dumemát u kamatayan tam, oni biyag kitam palla, maski u anghel hide, u puno hide u bagay hide nadid a kasalukuyan, u bagay hide a pademát, u tehhod hide a kapangyariyan, u kalangkawan, u kadisaladen, oni ányaman a linalang ay awan makapánghiwalay nikitam tu págmahal nu Diyos, u págmahal a impabate na nikitam tu pamamagitan ni Cristo Jesus a Panginoon tam.

2 Corinto 9:8

Sakay kaya kam a pasaganaán nu Diyos tu atanan a bagay a higit pa tu kailangan moy hide. Para tu atanan a panahun ay magin sapat kam tu atanan a bagay, tánni tehhod kam a metulung tu te kailangan hide.

2 Timoteo 1:12

Ina u dahilan kaya maghirapák ti konna he. Pero maskin konna pa man hod u nangyare nikán, ay awan ko iye ikasanike. Dipo tukoy ko nitideya u sinampalatayaan ko sakay siguraduwák a awan na pabayan u impagkatiwala ko nikuna hanggan tu aldew a kássole na.

Hebreo 11:13

Natay hide a atanan a tehhod a pánnampalataya tu Diyos. Awan de natanggap u inpananto nu Diyos pero natannaw de itod tu adeyo. Inturing de u sadile de a dayuhan la ti munduwan iye.

Hebreo 11:19

Dipo maniwala ti Abraham a ni matay ti Isaac ay kaya siya a biyagán a huway nu Diyos a kumán a konna ngani hod u nangyare. Kumán a nesole nikuna ti Isaac a gábwat tu patay hide.