Roma 4:18 - U Maganda A Baheta Ni Jesu-Cristo

¹⁸ Maske ni awan dán ti pag-asa ti Abraham a magkahod ti anak, nanampalataya pade siya a tupadán nu Diyos u pananto na a magin ama siya nu makpal a bansa. Ayun tu kinagi nikuna nu Diyos, “Konna ti kakpal tu biton ti langet u magin lahe mo.”

Roma 4:18 ပူးပေါင်းရင်းမြစ်များ

Lukas 1:18

Kinagi ni Zacarias tu anghel, “Kodyaák a makasigudu a mangyare iye? Lakayák dán sakay bakás dán be u kabanga ko.”

Gimet 27:25

Kanya begsákkán moy isip moye, kakaguman ko hide! Dipo maniwalaák tu Diyos a mangyare u atanan ayun tu kinagi na nikán.

Roma 4:17

Konna he u kinagi na tu Kasulatan, “Ginimet taka a ama nu makpal a bansa.” Iye a pananto ay tehhod a bisa tu atubang nu Diyos a panaligan na, u Diyos a nangbiyag tu patay hide sakay manglalang tu atanan a bagay a awan palla.

Roma 4:19

Awan siya nanghina tu pánnampalataya na maski ni magdatos dán u idad na, sakay mahina dán u babággi na, sakay tukoy na be a baug ti Sara awan dán maare a magenak. Konna man hod, ay awan nanghina u pánnampalataya na.

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

Roma 8:24

Ligtas kitamon sakay maguhay kitam dálla a makompleto i kaligtasanan iye. Umasa kitam dipo awan palla u asaan tam. Deya beman u umasa tu katoy dán hina a asaan na?

Hebreo 6:19

Iye a pag-asa tam ay matibay sakay matatag a angkla nu biyag tam. Dipo umabut iye hanggan tu dilupot nu kortina nu templo ti langet, a kabanal-banalan.