Roma 4:15 - U Maganda A Baheta Ni Jesu-Cristo

¹⁵ U Kautusan u dahilan ni bakin tehhod a parusa a gábwat tu Diyos. Dipo ni awan ti Kautusan ay awan be ti págsuway.

Roma 4:15 ပူးပေါင်းရင်းမြစ်များ

Juan 15:22

Ni awanák he immangay a nagupos nide ay awan nakwa napatunayan a nagkasala hide. Pero nadid ay awan dán hide ti merason tu kasalanan de.

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Roma 1:17

Dipo impeta nu Maganda a Baheta ni kodya a magin matuwid u essa a tolay, sakay ibilang a awan ti kasalanan tu pamamag-itan nu pánnampalataya a ayun tu nesulat tu Kasulatan, “U tolay ay imbilang nu Diyos a awan ti kasalanan dipo tu pánnampalataya ay mabiyag.”

Roma 5:13

Bagu a inyatád nu Diyos u Kautusan, ay maggimet dán ti kasalanan u tolay hide pero awan meturing a kasalanan itod ni awan u Kautusan.

1 Corinto 15:56

U kamandag nu kákkatay ay u kasalanan, sakay u kapangyariyan nu kasalanan ay naggábwat tu Kautusan.

Galacia 3:10

Pero u tolay hide a umasa a maligtas tu kássunud tu Kautusan ay sinumpa. Dipo nakasulat, “Maparusaan u tolay hide a awan sumássunud tu atanan a nakasulat tu Libro nu Kautusan.”

Galacia 3:19

Ni konna hod, bakin a neatád pa u Kautusan? Neatád iye para mepeta tu tolay a hide ay nagkasala tu atubang nu Diyos. Pero iye ay hanggan la a dumemát u impananto a apo ni Abraham. Neatád iye a Kautusan tu pamamag-itan nu anghel hide sakay tu tulung nu tagasuhog.

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

Colosas 3:6

Parusaan nu Diyos u tolay hide a maggimet ti konna he a bagay.

1 Juan 3:4

U atanan a magkasala ay awan sumunud tu kautusan nu Diyos dipo u kasalanan ay kássuway tu kautusan.

Pahayag 19:15

Tehhod a magluwas tu labi na a matalas a áttak; gamitán na iye para pangdaig tu bansa hide. Paghariyan na hide ti sampilitan sakay awan ti sumuway nikuna. U tolay hide ti munduway a komontara tu Diyos ay iparanas na nide u págparusa nu Diyos a makapangyariyan tu atanan. Iye u gusto a kagiyan nu pagbulusán na tu págpáspássán ti ubas u alak nu iyamut nu Diyos.