Roma 4:13 - U Maganda A Baheta Ni Jesu-Cristo

¹³ Impananto nu Diyos ni Abraham sakay tu lahe na hide a hide u mangmana ti munduway. U pananto a iye ay inyatád nu Diyos ni Abraham bakán a dipo tu kássunud na tu Kautusan, nan dipo inbilang siya nu Diyos a matuwid tu pamamag-itan nu pánnampalataya na.

Roma 4:13 ပူးပေါင်းရင်းမြစ်များ

Gimet 13:32

Katoy kami he para ibaheta nikam u Maganda a Baheta. Iye u pananto nu Diyos tu nuno tam hide.

Roma 4:12

Sakay siya be u ama nu Judio hide a nature, bakán la ta nature hide tu bággi, nan dipo manampalataya be hide a konna tu ninuno tam a ti Abraham nikuna a awan padla siya nature.

Roma 9:8

U gusto na a kagiyán ay awan atanan a anak ni Abraham ay imbilang a anak nu Diyos, ni awan u anak la hide ayun tu nepananto u ibilang a lahe na.

Galacia 3:29

Ni sakup kamon ni Cristo ay lahe kamon ni Abraham sakay tagamana tu inpananto nu Diyos nikuna.

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.

Hebreo 7:6

Ti Melquisedek ay awan gábwat tu lahe ni Levi, pero nakatanggap siya ti ikapo a gábwat ni Abraham. Pinagpala na pa ti Abraham a pinanantuwan nu Diyos.