Roma 4:12 - U Maganda A Baheta Ni Jesu-Cristo

¹² Sakay siya be u ama nu Judio hide a nature, bakán la ta nature hide tu bággi, nan dipo manampalataya be hide a konna tu ninuno tam a ti Abraham nikuna a awan padla siya nature.

Roma 4:12 ပူးပေါင်းရင်းမြစ်များ

Mateo 3:9

Sakay dyan moy be isipán a makaligtas kam tu parusa nu Diyos dipo lahe kam ni Abraham. Dipo ikagi ko nikam a kaya nu Diyos a gimitán i bituwáy hide a magin lahe ni Abraham.

Roma 4:11

Tinure siya bilang tanda a ibilang dán siya a matuwid dipo tu pánnampalataya na. Kanya ti Abraham ay imbilang a ama nu atanan a manampalataya a awan nature. Sakay dipo ngane tu pánnampalataya de, ay imbilang hide nu Diyos a matuwid.

Roma 4:13

Impananto nu Diyos ni Abraham sakay tu lahe na hide a hide u mangmana ti munduway. U pananto a iye ay inyatád nu Diyos ni Abraham bakán a dipo tu kássunud na tu Kautusan, nan dipo inbilang siya nu Diyos a matuwid tu pamamag-itan nu pánnampalataya na.

2 Corinto 12:18

Nákpágguhunák ni Tito a umangay hina sakay pinákkuyog ko nikuna u essa tam a kapatkákka. Dinaya kam beman ni Tito? Awan! Dipo eessa a Ispirito u sássunudán me sakay eessa u layunin me.

1 Pedro 2:21

U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.