Roma 3:9 - U Maganda A Baheta Ni Jesu-Cristo

⁹ Ánya nadid u makagi tam? Hikitam beman a Judio ay mas higit tu bakán hide a Judio? Awan! impaliwanag ko dán, a atanan a tolay ay makasalanan, Judio man oni bakán a Judio.

Roma 3:9 ပူးပေါင်းရင်းမြစ်များ

Lukas 7:39

Nikuna ketan itod nu Pariseo a nangakit nikuna ay nakagi na tu sadile na, “Ni talaga a prupeta i tolayan iye ay dapat tukoy na ni ti deya mangkákkahapáy nikuna sakay ni ánya i pagkatolayay ni iye a bábbey. Essa siya a makasalanan!”

Roma 1:18

Pero impeta nu Diyos u iyamut na a gábwat ti langet, tu atanan a tolay a awan maka Diyos sakay mággimet ti kadukássan. Dipo hadlangan de tu mágkadukás de a gimet u tatahoden a gusto nu Diyos a matukuyan de.

Roma 11:32

Kaya atanan a tolay, Judio man oni Hentil, ay pinabayan nu Diyos a manatile hide tu pagkamasássuwayán de para ipeta na nide a atanan u kagbi na.

Roma 11:7

Ánya nadid? Awan natanggap nu Israelita hide u gusto de a mebilang hide nu Diyos a matuwid. U pinile na la hide u nakatanggap ti iye, pero u agum ay pinaigát na u puso-puso de.

Roma 2:1

Nadid, makay ni kagiyán mo a dapat la a mahatulan i iye a tolay dipo tu kadukássan na. Pero maski hiko a maghatul ay awan ti medahilan. Dipo tu pághatul mo tu iba ay hinatulan mo dán be u sadile mo. Dipo gággimitán mo labe u konna hod a bagay.

Roma 3:1

Nadid, kodya a mas higit u Judio hide tu bakán hide a Judio? Ánya u kahalagaan nu pagigin ture de?

Roma 3:19

Nadid, tukoy tamon a atanan a kinagi tu Kautusan ay para nikitam a Judio hide a sakup nu Kautusan, tánni awan ti me dahilan u ti deyaman a awan siya dapat maparusaan. U atanan a tolay ti munduway ay managut tu Diyos.

Roma 3:5

Nadid, te agum a tolay a magkagi a masmaganda kan a maggimet kitam ti madukás, para ketan kan nu tolay hide a tama u gimet nu Diyos. Kaya kákkagiyán de a awan na kitam kan dapat a parusaan tu kasalanan tam.

Roma 6:15

Nadid, maggimet kitam pa beman ti kasalanan dipo awan kitamon sakup nu kapangyariyan nu Kautusan, nan sakup dán nu kapangyariyan nu habag nu Diyos? Awan!

Roma 7:14

Tukoy tam a u Kautusan ay maganda dipo gábwat tu Banal a Ispirito nu Diyos. Pero hikán ay makamundu, sakay alipin nu kasalanan.

1 Corinto 10:19

Ánya u gusto ko a kagiyán? Kinagi ko beman a tehhod a serbi u diyos-diyosan hide oni u makan a nealay tu diyos-diyosan hide?

1 Corinto 14:15

Kaya para nikán, ni magdasalák, bakán la au ispiritu ko u magdasal nan gamitán ku be u isip ko a magdasal. Konna bi hod ni mágkansiyonák. Mágkansiyonák tu pamamag-itan nu ispirito ko, pero gamitán ko be u isip ko a mágkansiyon.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

Galacia 3:10

Pero u tolay hide a umasa a maligtas tu kássunud tu Kautusan ay sinumpa. Dipo nakasulat, “Maparusaan u tolay hide a awan sumássunud tu atanan a nakasulat tu Libro nu Kautusan.”

Galacia 3:22

Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.

Filipos 1:18

Pero awan ti ányapaman itod hide a atanan nikán. Mahalagaay ay mepangaral ti Cristo maski ánya a kaparaan, tapat man oni awan u layunin de tu pángngaral de. U essa ku pa a kasayaan