Roma 3:31 - U Maganda A Baheta Ni Jesu-Cristo

³¹ U gusto na beman a kagiyán ay bali-awanán mi dán u Kautusan? Awan! Dipo u tatahoden ay mas lalo mi pa a tinupad u layunin nu Kautusan.

Roma 3:31 ပူးပေါင်းရင်းမြစ်များ

Mateo 15:6

Kanya dipo tu kautusan nu nunu ay awan nasunud u kautusan nu Diyos.

Mateo 3:15

Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus.

Mateo 5:17

Kinagi pa ni Jesus nide “Dyan moy isipán a immangayák he para ibutan u Kautusan ni Moises oni u intáttoldu nu Propeta hide a upos nu Diyos. Awanák immangay he para ibutan hide nan ipaliwanag sakay tupadán iye hide.

Mateo 5:20

Kanya ikagi ku nikam a paghariyan kam la nu Diyos ni tatahoden moy a sunudán u kautusan nu Diyos. U kássunud moy tu kautusan ay dapat mas humigit pa tu págsunud nu Pariseo hide sakay tu maistu hide nu Kautusan ni Moises.”

Lukas 20:16

“Angay siya hod sakay bunuwan na u katiwala hide tu kaubasan sakay iyatád na tu agum u uma na.” Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!”

Roma 10:4

Dipo awan de tukoy a ti Cristo u katupaden nu Kautusan. Dipo tu ginimet na, u atanan a manampalataya nikuna ay imbilang nu Diyos a awan ti kasalanan.

Roma 2:20

Sakay dipo hikam u timmanggap tu Kautusan ni Moises ay kákkagiyán moy a tukoy moy dán u atanan, kanya kákkagiyán moy a hikam u tagapagtoldu tu awan hide ti tukoy sakay tagapagtoldu tu anak palla hide ti pákkatukoy tu bagay hide tungkul tu Diyos.

Roma 3:4

Awan, dipo tapat u Diyos tu upos na, maske mabule u atanan a tolay. Konna ngane tu kinagi na tu Kautusan, “Talaga a mapatunayan a tapat ka tu upos mo Panginoon Diyos. Sakay ni kagiyán nu tolay ate pagkakamale ka mapatunayan a awan ka ti págkakamale.”

Roma 3:6

Bakán a konna hod! Male itod! Dipo ni awan makatarungan u Diyos kodya na hatulan u tolay hide ti munduway.

Roma 4:14

Ni u sumássunud la hide tu Kautusan u magin tagapagmana, awan ti kabuluhan u pánnampalataya sakay u pananto nu Diyos.

Roma 7:22

Buo a pusowák a masaya tu Kautusan nu Diyos.

Roma 7:25

Salamat tu Diyos, dipo siya u mángligtas nikán tu pamamag-itan ni Jesu-Cristo a Panginoon tam. Ni konna hod, iye u kalagayan ko, u isip ko ay magpasakupák tu Kautusan nu Diyos, pero dipo tu makasalanan ko a pagkatolay ay magkasalaák pade.

Roma 8:4

Ginimet iye nu Diyos tánni u ipatupad nu Kautusan ay matupad tam be a mabiyag tu págiyya nu Banal a Ispirito sakay bakán a ayun tu makasalanan tam a pagkatolay.

1 Corinto 9:21

Kapag ni hedák tu Hentil hide, a awan makatukoy tu Kautusan ni Moises ay mabiyagák a konna tu essa a tolay a awan sakup nu Kautusan tánni maakit ko be hide. (Pero awan ko kákkagiyán a awanák dán sumássunud tu Kautusan nu Diyos dipo u sássunudán ko ay u utus hide ni Cristo.)

Galacia 2:19

U tatahoden tu pamamag-itan a mismo nu Kautusan ay natukuyan ko a awan dán ti kapangayarihan u Kautusan nikán kaya malayaák dán a mabiyag para tu Diyos.

Galacia 2:21

Ni hikán ay awan ko ituring a awan ti halaga u kagbi nu Diyos. Dipo ni ituring nu Diyos a matuwid u tolay tu pamamag-itan nu kássunud tu Kautusan, ay awan ti kabuluhan u kákkatay ni Cristo!