Roma 3:27 - U Maganda A Baheta Ni Jesu-Cristo

²⁷ Kaya awan kitam ti ipagmadakál, dipo u pángturing nikitam a matuwid ay bakán a tu kássunud tam tu Kautusan, nan tu pánnampalataya tam ni Jesus.

Roma 3:27 ပူးပေါင်းရင်းမြစ်များ

Markos 16:16

U sumampalataya sakay magpabawtismo ay maligtas, pero u umád a sumampalataya ay maparusaan.

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Roma 10:5

Konna he u insulat ni Moises tungkul tu pángturing nu Diyos a matuwid u essa a tolay ayun tu Kautusan: “U tolay a mangtupad tu atanan nu Kautusan sakay awan magkasala magpakahanggan ay siya u tumanggap ti biyag a gábwat tu Diyos.”

Roma 11:6

Pinile na hide dipo tu habag na, bakán a dipo tu mágkaganda a gimet de hide, dipo ni tu mágkaganda de a gimet ay awan iye mebilang a habag.

Roma 2:17

Nadid, kákkagiyán moy a hikam ay Judio, sakay maniwala kam tu Kautusan sakay ipágmadakál moy u rilasyon moy tu Diyos.

Roma 2:23

Ipágmadakál moy a hod nikam u Kautusan nu Diyos, pero awan moy labe inggagalang u Diyos dipo awan moy sássunudán u kinagi nu Kautusan a dapat a gimitán.

Roma 3:19

Nadid, tukoy tamon a atanan a kinagi tu Kautusan ay para nikitam a Judio hide a sakup nu Kautusan, tánni awan ti me dahilan u ti deyaman a awan siya dapat maparusaan. U atanan a tolay ti munduway ay managut tu Diyos.

Roma 3:26

Pero nadid pinaangay na he ti Cristo tánni ipeta na a matuwid siya. Dipo ti iye a ginimet na, pinatunayan na a tama siya tu pangturing na a matuwid u sumampalataya hide ni Jesus.

Roma 4:2

Ni inbilang siya nu Diyos a awan ti kasalanan dipo tu nagimet na hide, nakwa ay tehhod siya a mepagmadakál. Pero awan siya ti mepagmadakál tu Diyos,

Roma 7:21

Sa iye u natukuyan ko tu sadile ko. Ni gusto ko a maggimet ti maganda, ay hadlanganák nu madukás ko a pagkatolay.

Roma 7:23

Pero tehhod a agum a kapangyariyan a magahikad tu sadili ko. Tu isip ko ay gustu ko a maggimet ti maganda pero iba be u gimitán nu bágge ko dipo u madukás a kagustuwan nu bágge ko u lagi a masunud kanyaák a magkasala.

Roma 7:25

Salamat tu Diyos, dipo siya u mángligtas nikán tu pamamag-itan ni Jesu-Cristo a Panginoon tam. Ni konna hod, iye u kalagayan ko, u isip ko ay magpasakupák tu Kautusan nu Diyos, pero dipo tu makasalanan ko a pagkatolay ay magkasalaák pade.

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

Roma 9:11

Impakilala nu Diyos a u págpile na ay ayun tu sadile na a plano sakay bakán a tu gimet nu tolay. Dipo bagu pa a meenak u anak hide sakay bagu pa a makagimet ti maganda oni madukás,

Roma 9:31

Pero u Judio hide a nagsikap a meturing a awan ti kasalanan tu pamamag-itan nu kássunud de tu Kautusan ay awan nagtagumpay.

Roma 9:32

Bakin awan hide nagtagumpay? Dipo nagtiwala hide tu gimet de sakay awan hide simmampalataya ni Jesu-Cristo. Nehakpa hide tu bito a kákkehakpaan.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Galacia 3:22

Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.