Roma 3:22 - U Maganda A Baheta Ni Jesu-Cristo

²² U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 3:22 ပူးပေါင်းရင်းမြစ်များ

Lukas 15:22

Pero dinulaw nu ama u alipin na hide, ‘Magalisto kam! Iyangay moy he u pinakamaganda a damit sakay isulot moy nikuna. Sulutan moy siya ti sángkalan sakay sapatus.

Gimet 11:12

Sakay kinagi nikán nu Banal a Ispirito a diyanák magalangan a mákkuyog nide. Nákkuyog be nikán u ánnám a mánnampalataya nikuna immangay kame tu bilay ni Cornelio.

Gimet 15:9

Eessa u pangileng nu Diyos nikitam sakay hide; pinatawad na hide tu kasalanan de dipo tu pánnampalataya de.

Gimet 3:16

U kapangyariyan nu ngahan ni Jesus u nangpapiyya ti tolayan iye a tukoy moy a lopog sapul pa tu kákkeenak na. U pánniwala na tu ngahan ni Jesus sakay u pánnampalataya na ni Jesus u tatahoden a nagpiyyaan na a konna ti ketan moye.

Roma 1:17

Dipo impeta nu Maganda a Baheta ni kodya a magin matuwid u essa a tolay, sakay ibilang a awan ti kasalanan tu pamamag-itan nu pánnampalataya a ayun tu nesulat tu Kasulatan, “U tolay ay imbilang nu Diyos a awan ti kasalanan dipo tu pánnampalataya ay mabiyag.”

Roma 10:12

Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna.

Roma 10:4

Dipo awan de tukoy a ti Cristo u katupaden nu Kautusan. Dipo tu ginimet na, u atanan a manampalataya nikuna ay imbilang nu Diyos a awan ti kasalanan.

Roma 2:1

Nadid, makay ni kagiyán mo a dapat la a mahatulan i iye a tolay dipo tu kadukássan na. Pero maski hiko a maghatul ay awan ti medahilan. Dipo tu pághatul mo tu iba ay hinatulan mo dán be u sadile mo. Dipo gággimitán mo labe u konna hod a bagay.

Roma 3:30

Eessa la u Diyos para tu Judio hide sakay tu bakán a Judio, sakay pareho hide a ituring nu Diyos a awan ti kasalanan dipo tu pánnampalataya de ni Cristo.

Roma 4:16

Kanya u pananto nu Diyos ay nakabase tu pánnampalataya, tánni iye ay magin págpapala sakay talaga a matanggap nu atanan a lahe ni Abraham, bakán la tu Judio hide a timmanggap tu Kautusan, nan maske tu bakán hide a Judio a mánnampalataya a konna ni Abraham dipo siya u ama tam a atanan.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 9:30

Ánya nadid u makagi tam tungkul ti iye? U bakán hide a Judio a awan nagsikap a magin makasaya tu Diyos ay kinasayaan na hide, imbilang na hide a awan ti kasalanan tu pamamag-itan nu pánnampalataya de nikuna.

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 3:22

Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Efeso 3:12

Dipo tu pákpagkaessa sakay pánnampalataya tam ni Cristo Jesus, ay malaya kitamon a makaadene tu Diyos a awan ti ánteng oni págduwwa-duwwa.

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

Santiagu 2:23

Kanya natupad dán u sumássulat a, “Summampalataya ti Abraham tu Diyos, sakay imbilang siya nu Diyos a matuwid dipo tu pánnampalataya na.” Kanya dinulaw siya a amigu nu Diyos.