Roma 2:7 - U Maganda A Baheta Ni Jesu-Cristo

⁷ Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 2:7 ပူးပေါင်းရင်းမြစ်များ

Mateo 25:46

Kinagi pa ni Jesus “Iyangay hide tu kaparusaan a awan ti katapusan pero u malinis hide ay makatanggap ti biyag a awan ti katapusan.”

Lukas 21:19

Tu pagtiis moy ay magkahod kam ti biyag a awan ti kahád.

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Juan 4:36

U tolay a mággane ay makatanggap ti bayad. Konna bihod u tolay a magtoldu tu upos ko tu kapareho na a tolay ay makatanggap ti gantimpala a gábwat tu Diyos. Sakay u magtiwala hide nikan ay atádden na ti biyag a awan ti kahád. Hide ay kuman a áaniyan a aniyan nu mággane. Kanya magkaguman a masaya u nagmula tu upos nu Diyos sakay u nag-ane tu bunga na.

Juan 5:44

Kodya kam a maniwala nikán, ni u papure la nu bawat essa u gusto moy, sakay bakán a u papure a gábwat tu eessa a Diyos?

Roma 2:10

Pero atádden nu Diyos ti karangalan, papure sakay kapayapaan u atanan a maggimet ti maganda, purumero u Judio hide sakay u bakán a Judio.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

Roma 8:18

Para nikán, u paghihirap tam nadid hide ay awan mekompara tu maganda a kalagayan a makao tam káddemát nu aldew.

Roma 9:23

Ginimet na iye tánni ipeta na u awan ti kapareho a kadakilaan na tu tolay hide a kinahabagen na, a tu itod pa ay inhanda na dán para parangalan na.

1 Corinto 15:42

Konna labe hina tu kákkabiyag a huway. U melábbang a bággi ay mahunot, pero awan mahuno-hunot maski nikan u bággi a biniyag a huway.

1 Corinto 15:50

Iye u gusto ko a kagiyán, kákkapatkákka ko hide: u bággi tam a nabuo nu pilas sakay dige ay awan magkahod ti bahagi tu kahariyan nu Diyos. U bággi a iye a mahunot ay awan maare a makatanggap ti biyag a awan ti kahád.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Efeso 6:24

Pagpalaán nakwa nu Panginoon a ti Jesu-Cristo u atanan a magmahal nikuna ti tapat.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

2 Timoteo 1:10

Sakay nehayag la iye nikuna dumemát ti Cristo Jesus a Tagapagligtas tam. Natalo na u kamatayan sakay inhayag na ate hod a biyag a awan ti kahad tu pamamag-itan nu Maganda a Baheta.

Hebreo 2:7

Ginimet mo u tolay a mas mababa tu anghel mo hide tu sabadit a panahun, pero pinagkaluuben mo siya ti kadakilaan sakay karangalan.

Hebreo 6:12

Kanya diyan kam magin tamad, nan ahigán moy u tolay hide a dipo tu pánnampalataya de sakay págtiis ay natanggap didan u impananto nu Diyos.

Hebreo 6:15

Nagtiyaga ti Abraham a naguhay, kanya natanggap na u nepananto nikuna.

1 Juan 2:25

Sakay sa iye u inpananto nikitam ni Cristo: Biyag a awan ti kahád.