Roma 2:6 - U Maganda A Baheta Ni Jesu-Cristo

⁶ Dipo iyatád nu Diyos tu bawat essa u parusa ayun tu ginimet na hide.

Roma 2:6 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Roma 14:22

Kanya ányaman u pánniwala mo ti bagayan iye hide, hiko dálla sakay u Diyos u dapat a makatukoy. Mapalad u tolay a awan gágguluwán nu konsensiya na dipo tu pággimet na tu bagay hide a tukoy na a tama.

1 Corinto 3:8

U mágmula sakay u mágdilig ay pareho la a mágtarabaho sakay balang essa ay tumanggap ti gantimpala ayun tu pagud na.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 11:15

Kaya awan pagtakaan a magkunware a alipin nu katuwiran u tagapagserbi hide ni Satanas. Kaya dumemát u aldew a maparusaan hide ayun tu atanan nu ginimet de hide.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

2 Timoteo 4:14

Grabi't dukás u ginimet nikán ni Alejandro a mágpanday. U Panginoon dálla u bahala a magparusa nikuna tu ginimet na nikán.

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.

Pahayag 20:12

Sakay netan ko a mágtaknág u nágkatay hide tu atubang nu trono, mágkataas man oni mágkababa. Sakay binuklat u libro hide, pati be u libro a listaan nu tolay hide a inatádden ti biyag a awan ti kahád. Hinatulan u nágkatay hide ayun tu ginimet de mentras biyag hide, konna tu nágkesulat tu libro hide.

Pahayag 22:12

Kinagi ni Jesus, “Mágsaneg kam! Pademátták dán! Tawed ko dán u gantimpala hide a iyatád tu balang essa ayun tu ginimet na!