Roma 2:24 - U Maganda A Baheta Ni Jesu-Cristo

²⁴ Konna tu nesulat tu Kautusan a “U ngahan nu Diyos ay awan igagalang nu bakán hide a Judio dipo nikam.”

Roma 2:24 ပူးပေါင်းရင်းမြစ်များ

Mateo 18:7

Mahirap a tahod u kalagayan nu tolay ti munduwáy dipo tu ginabwatan hide nu kasalanan! Awan mawan u ginábwatan hide nu kasalanan, pero makaanteng u mangyari tu tolay a pinaggábwatan nu kasalanan!

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

1 Timoteo 6:1

Nadid, dapat a igalang nu alipin hide u amo de hide tánni awan mapintasan u ngahan nu Diyos sakay u itattoldu tam.

Tito 2:5

Matolduwan nakwa hide a magin mahinahun, tanni u maganda la u gimitán de sakay isipán, sakay magin masipag tu gággimitán tu bilay, mabait, matapat sakay mágpasakup tu kákkabanga de. Tánni konna hod ay awan ti magkagi ti madukás kontara tu upos nu Diyos.

Tito 2:8

Gamitán mo u mágkalinis hide a pággupos tánni awan ti makamansa tu kákkagiyán mo. Ni konna hod ay mapasanike u kadima tam hide dipo awan hide ti makagi a madukás kontara nikitam.

2 Pedro 2:2

Sakay makpal hide a maakit a mánnampalataya a sumunud tu gimet de a malaswa. Kaya dipo he ay hamak-hamakán nu awan hide mánnampalataya u pánnampalataya tam ni Cristo.