Roma 2:13 - U Maganda A Baheta Ni Jesu-Cristo

¹³ Dipo bakán a u magsaneg hide tu Kautusan u ibilang nu Diyos a matuwid nan u sumássunud ti iye hide u ibilang na a awan ti kasalanan.

Roma 2:13 ပူးပေါင်းရင်းမြစ်များ

Lukas 18:14

Kagiyán ko nikam, iye a lállake ay simmole a kinasayaan nu Diyos, pero awan na kinasayaan u essa. Dipo u mánglangkaw tu sadile na ay mebaba, pero ni ti deya man u magpakababa ay melangkaw.”

Lukas 8:21

Pero kinagi ni Jesus, “U mágsaneg hide sakay sumunud tu upos nu Diyos ay hide u ina sakay wáwwadi ko.”

Juan 13:17

Ta tukoy moy dán iye hide a bagay ay pagpalaan kam nu Diyos ni iye u gimitán moy.

Gimet 13:39

Sakay u atanan nu summampalataya hide nikuna ay napatawad dán tu atanan nu kasalanan de a awan mapatawad maski tu págsunud tu Kautusan hide ni Moises.

Roma 10:5

Konna he u insulat ni Moises tungkul tu pángturing nu Diyos a matuwid u essa a tolay ayun tu Kautusan: “U tolay a mangtupad tu atanan nu Kautusan sakay awan magkasala magpakahanggan ay siya u tumanggap ti biyag a gábwat tu Diyos.”

Roma 2:25

Hikitam a Judio ay ture dipo sa itod u utus nu Diyos a patunay a hikitam u pinili na a magin tolay na pero awan ti halaga u pagigin ture tam ni awan tam sássunudán u Kautusan na.

Roma 3:20

Dipo awan ni ti deyaman u ibilang nu Diyos a awan ti kasalanan tu pamamag-itan nu kássunud tu Kautusan. Nan u Kautusan u mángpeta tu kasalanan nu tolay.

Roma 3:23

Dipo u atanan ay nagkasala sakay awan hide nagin karapat-dapat tu pangileng nu Diyos.

Roma 3:30

Eessa la u Diyos para tu Judio hide sakay tu bakán a Judio, sakay pareho hide a ituring nu Diyos a awan ti kasalanan dipo tu pánnampalataya de ni Cristo.

1 Corinto 4:4

Awan ti mangbalisa ti isip kuwáy, pero bakán a u gusto na kagiyán ay awanák dán ti kasalanan. U Panginoon la u makahatul nikán ni tama oni male u gággimitán ko.

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Galacia 5:4

Hikam a magpumilit a ituring nu Diyos a matuwid tu pamamag-itan nu kássunud moy tu Kautusan ay inadággen moy dán ti Cristo. Sakay inadiyan moy u kagbi nu Diyos.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

1 Juan 2:29

Ni tukoy moy a matuwid ti Cristo, ay dapat tukoy moy be a u atanan a mággimet ti matuwid ay anak nu Diyos.

1 Juan 3:7

Anak ko hide dyan kam paloko maski ni deya man. U maggimet ti maganda ay essa a matuwid a tolay, konna ni Cristo.