Roma 2:12 - U Maganda A Baheta Ni Jesu-Cristo

¹² U tolay hide a magkasala a awan makatukoy tu Kautusan ni Moises ay maparusaan, pero u pághatul nide ay bakán a ayun tu Kautusan. Sakay u atanan a magkasala a makatukoy tu Kautusan ay maparusaan labe sakay u pághatul nide ay ayun tu Kautusan.

Roma 2:12 ပူးပေါင်းရင်းမြစ်များ

Mateo 11:22

Ikagi ku nikam a mas higit u parusa moy nan tu parusa nu taga Tiro sakay Sidon tu Aldew nu Pághukom.

Mateo 11:24

Pakatandaan moy tu Aldew nu Pághukom ay mas higit u parusa moy nan tu parusa a nadanas nu taga Sodoma tu itod.”

Juan 19:11

Timmábbeg ti Jesus, “Awan ka ti kapangyariyan nikan ni awan inyatád niko nu Diyos. Kanya mas dakál u kasalanan nu tolay a náng-angay he nikán.”

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Roma 1:32

Tukoy de u utus nu Diyos a dapat parusaan ti kamatayan u mggimet hide ti kasalananan iye pero diretso pade hide a maggimet ti iye. Sakay masaya pa hide ni ketan de u agum a maggimet tu gággimitán de.

Roma 4:15

U Kautusan u dahilan ni bakin tehhod a parusa a gábwat tu Diyos. Dipo ni awan ti Kautusan ay awan be ti págsuway.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

1 Corinto 9:21

Kapag ni hedák tu Hentil hide, a awan makatukoy tu Kautusan ni Moises ay mabiyagák a konna tu essa a tolay a awan sakup nu Kautusan tánni maakit ko be hide. (Pero awan ko kákkagiyán a awanák dán sumássunud tu Kautusan nu Diyos dipo u sássunudán ko ay u utus hide ni Cristo.)

Galacia 3:10

Pero u tolay hide a umasa a maligtas tu kássunud tu Kautusan ay sinumpa. Dipo nakasulat, “Maparusaan u tolay hide a awan sumássunud tu atanan a nakasulat tu Libro nu Kautusan.”

Galacia 3:22

Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.

Santiagu 2:10

U tolay a simmuway tu essa la a utus, maskin nasunud na u agum ay sinuway na padi u atanan nu Kautusan.