Roma 16:17 - U Maganda A Baheta Ni Jesu-Cristo

¹⁷ Kákkapatkákka ko hide, magingat kam tu tolay hide a maggimet ti pamágguru-gurupo nikam sakay manggággulo tu pánnampalataya moy. Magtoldu hide kontara tu adal hide a natanggap moy nikame. Kanya iwasan moy hide.

Roma 16:17 ပူးပေါင်းရင်းမြစ်များ

Mateo 18:17

Ni umád padi siya sumanig nide, ikagi mo iye tu kapisanan nu kapatkaka hide ti pannampalataya. Sakay ni umád padi siya sumanig nide ay ibilang mo dán siya a essa a awan maniwala tu Diyos oni essa a madukás a tagakolekta ti buwes.”

Mateo 18:7

Mahirap a tahod u kalagayan nu tolay ti munduwáy dipo tu ginabwatan hide nu kasalanan! Awan mawan u ginábwatan hide nu kasalanan, pero makaanteng u mangyari tu tolay a pinaggábwatan nu kasalanan!

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Lukas 17:1

Kinagi ni Jesus tu disepulus na hide, “Pirme a tehhod a dahilan ni bakin a magkasala u tolay; pero makaánteng u sapitán nu tolay a pinaggábwatan ni iye a pagkakasala!

Gimet 15:24

Nabaheta me a angen kam lálligaligán nu agum hide a kakagumanan tam a gábwat he, maski awan me hide inutusan a mángkagi nikam ti konna hod.

1 Corinto 11:18

Dipo nabaheta ko a tu pamagipun-ipun moy ay awan kam ti pamágkaessa. Sakay maniwalaák a tatahoden iye.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

Galacia 2:4

Pero ti itod ay te nagware-ware a manampalataya hide a pimmurba a nángpilit tungkul tu págture. Nákpággagum hide nikame tán sidaán de u kalayaan a natanggap tam ni Cristo Jesus, tánni alipinan kitam a huway nu Kautusan.

Filipos 3:17

Kákkapatkákka ko hide, ahigán moy u halimbawa ko. Sakay ahigán moy be u agum a mabiyag a konna nikame.

Colosas 2:8

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

2 Tesalonica 3:6

Nadid, kákkapatkákka, te iyutus kame nikam a gábwat tu Panginoon Jesu-Cristo, adeyuwan moy u tamad hide sakay u umád a sumunud tu itáttoldu me nikam.

1 Timoteo 1:3

Konna tu impákpágguhon ko niko nikuna tamuwák ti Macedonia, a gusto ko a mágyan ka pala ti Efeso. Tánni paimangan u sangan a tolay a makántolduwan ti liwat.

2 Timoteo 3:5

Magkukunware hide a tehhod a pánnampalataya pero awan labe ketan tu biyag de u kapangyariyan nu Diyos. Adeyuwan mo u konna he hide a tolay.

Tito 3:10

Nite tolay a paggábwatan nu pamágkampe-kampe, Pagkagiyan mo ti pumensan pero ni awan siya umimang ay pagkagiyan mo a huway ti kapenduwa pero ni awan pade siya mágsaneg ay adeyuwan mo dán siya.

1 Juan 2:19

Maski ni date tam hide a kaguman pero awan tam hide kaessa. Dipo ni talaga a kaessa tam hide ay kakaguman tam nakwa hide nadid. Pero summina hide, kanya nángpeta la a awan tam hide talaga a kaessa.

Judas 1:19

Iye hide a tolay u mággagimitán ti paraan tánni masida u pamágkaessa moy. Awan nide u Banal a Ispirito sakay u sássunudán di la ay u makamundu de a ugale.