Roma 15:8 - U Maganda A Baheta Ni Jesu-Cristo

⁸ Dipo kagiyán ko nikam a pinaangay nu Diyos ti Cristo ti lutaáy para magserbi tu Judio hide sakay para mepeta na a tapat u Diyos tu pángtupad na tu pananto na hide tu ninuno de hide.

Roma 15:8 ပူးပေါင်းရင်းမြစ်များ

Mateo 15:24

Kanya kinagiyan na u bábbey “Inutusanák nu ama ko para la tu netawtaw a tupa a Israelita hide, bakán a tu awan Israelita.”

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Juan 1:11

Immangay siya tu sadile na a banuwan, pero awan siya tinanggap nu kalugaran na hide.

Juan 10:16

Tehhodák palla a agum a tupa a awan ti kudaláy. Kailangan ko be hide a pasaddapan sakay sanigan de u boses ko. Tu konna hod ay magin essa dan hide a gurupo sakay te essa hide a pastol.

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Roma 11:22

He tam a ketan u kabaitan nu Diyos sakay ni sakodya siya a kahigpit a maghatul. Mahigpit na a hatulan ti parusa u magkasala hide nikuna. Pero mabait siya nikam ni manatile kam tu kabaitan na, pero ni awan, ay káttulán na kam be.

Roma 11:30

Tu itod, hikam a bakán a Judio ay masássuwayán tu Diyos, pero nadid ay kinahabagan na kam dipo tu kássuway nu Judio hide.

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

Roma 3:26

Pero nadid pinaangay na he ti Cristo tánni ipeta na a matuwid siya. Dipo ti iye a ginimet na, pinatunayan na a tama siya tu pangturing na a matuwid u sumampalataya hide ni Jesus.

Roma 3:3

Maski ni awan maniwala u sangan nide tu pananto nu Diyos, u gusto na beman a kagiyán ay awan dán tapat u Diyos tu págtupad na tu pananto na hide?

Roma 4:16

Kanya u pananto nu Diyos ay nakabase tu pánnampalataya, tánni iye ay magin págpapala sakay talaga a matanggap nu atanan a lahe ni Abraham, bakán la tu Judio hide a timmanggap tu Kautusan, nan maske tu bakán hide a Judio a mánnampalataya a konna ni Abraham dipo siya u ama tam a atanan.

1 Corinto 1:12

U gusto ko a kagiyán, tehhod kan a magkagi a, “Tagasunudák ni Pablo.” U kagi be nu essa ay “Tagasunudák ni Apolos.” U kagi be nu agum ay “Tagasunudák ni Pedro,” oni te magkagi pa, “Tagasunudák ni Cristo.”

1 Corinto 10:19

Ánya u gusto ko a kagiyán? Kinagi ko beman a tehhod a serbi u diyos-diyosan hide oni u makan a nealay tu diyos-diyosan hide?

1 Corinto 10:29

U gusto ko kagiyán ay u konsensiya nu agum bakán a u konsensiya moy. Maare be a makagi nu agum, “Bakin hadlangan nu konsensiya nu agum u kalayaan ko?

1 Corinto 15:50

Iye u gusto ko a kagiyán, kákkapatkákka ko hide: u bággi tam a nabuo nu pilas sakay dige ay awan magkahod ti bahagi tu kahariyan nu Diyos. U bággi a iye a mahunot ay awan maare a makatanggap ti biyag a awan ti kahád.

2 Corinto 1:20

Dipo atanan a pananto nu Diyos ay natupad ni Jesu-Cristo. Kaya ngane makagi tam a tapat u Diyos sakay iye ay makapangatád ti kapuriyan nikuna.

Efeso 2:12

Isipán moy a ti panahunan itod ay hiwalay kam be ni Cristo, awan kam kasale tu banuwan nu Israel sakay awan kasale tu kasunduwan nu Diyos a inpanantu na hide. Tu itod ay nabiyag kam ti munduwan iye a awan ti pag-asa sakay awan ti Diyos.