Roma 15:7 - U Maganda A Baheta Ni Jesu-Cristo

⁷ Tanggapán moy u balang essa konna tu pángtanggap ni Cristo nikam tánni mapure nu tolay u Diyos.

Roma 15:7 ပူးပေါင်းရင်းမြစ်များ

Mateo 10:40

Kinagi pa ni Jesus nide “Ni ti deya u mangtanggap nikam ay tinanggapák di be. Sakay u mangtanggap nikán ay tinanggap de u Ama a nangutus nikán.

Markos 9:37

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Roma 15:9

Inutusan be ti Cristo tánni mepeta na u kagbi nu Diyos tu bakán hide a Judio, tánni puriyán di be u Diyos. Ayun ngane tu Kasulatan, “Puriyán taka kaguman u awan hide Judio sakay puriyán taka tu kansiyon ko.”

Roma 5:2

Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

Efeso 1:12

Ginimet na iye para hikame a nedipalongo a simmampalataya ni Cristo ay magpure nikuna dipo tu kapangyariyan na.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.