Roma 15:26 - U Maganda A Baheta Ni Jesu-Cristo

²⁶ Dipo masoh u kákkapatkákka hide ti Macedonia sakay Acaya a magkulekta ti tulung para tu mágkahirap hide a kákkapatkákka ti Jerusalem.

Roma 15:26 ပူးပေါင်းရင်းမြစ်များ

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Mateo 26:11

Tu atanan a panahon ay kakaguman moy u pobre hide pero hikán ay awan moy makaguman ti habang panahon.

Lukas 14:13

Pero ni maghanda ka ti dakál a handaan, u akitán mo ay u magkahirap hide a tolay, u lumpo hide, u pilay hide, sakay u buhák hide.

Lukas 6:20

Immileng ti Jesus tu disepulus na hide sakay kinagi na, “Pinagpala u mágkahirap hide nadid, dipo paghariyan kam nu Diyos!

Gimet 16:12

Kággábwat me ti Neapolis ay immangay kame ti Filipos, essa a dakál a banuwan ti Macedonia a sakup ni Roma. Nákpágyan kame hod ti sangan a aldew.

Gimet 16:9

Ti gibiyan itod ay nagkahod ti essa a pangitain ti Pablo: te essa a lállake a taga-Macedonia a te taknág sakay mákkekakagbi nikuna, kinagi na, “Umangay ka pay ti Macedoniaáy sakay tulungan moy kame.”

Gimet 18:12

Pero nikuna maging gobernador ti Galion ti Acaya ay namágkaessa u Judio hide a dakáppán ti Pablo sakay inyangay tu pághatulan.

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 9:13

Pero timmábbeg ti Ananias, “Panginoon, makpalák dán a nabaheta ti tolayan iye, tungkul tu kadukássan a ginággimet na tu mánnampalataya hide ti Jerusalem.

1 Corinto 16:15

Nadid, kákkapatkákka ko hide, tukoy moy a u pamilya ni Estefanas u kadipalonguwan a Kristiyano ti Acaya; sakay inlaan de u sadile de tu págserbi tu pinile hide nu Diyos. Ipákpágguhon ko nikam,

1 Corinto 16:5

Bumisitaák hina kággábwat ko ti Macedonia, dipo kailangan ko a humoyot hod.

2 Corinto 1:16

Nagplanuwák a humoyot pa hina káangay ko ti Macedonia. Sakay tu kássole ko, ay humoyuták dámman hina tánni matulunganák moy tu págbiyahe ko ti Judea.

2 Corinto 11:9

Sakay nikuna nagkulangák hina ay awanák nakadágge maskin deya man nikam dipo tinulunganák nu kákkapatkákka hide ti Macedonia. Sapul pa ti sapul ay iniwasan ko dán a makadággi nikam ti anya man a paraan sakay ina u gimitán ko hanggan-hanggan.

2 Corinto 2:13

Pero awanák labe ti kapayapaan dipo awan ko netan hod u kapatkákka ko a ti Tito. Kaya nagpaalamák nide sakay dummiretso ti Macedonia.

2 Corinto 7:5

Nikuna dimmemát kame ti Macedonia ay awan kame padi ti imang, Dipo maski ni hádya ay puro hirap u nadanas me. Tu palebut me ay atoy hod u kumontara hide nikame sakay tu pusu me ay tehhod a ánteng.

2 Corinto 9:12

U káttulung moy tu kákkapatkákka hide ay bakán la a pángsuporta tu pangangailangan de, nan magin dahilan pa nu awan ti kahád a págpasalamat de tu Diyos.

2 Corinto 9:2

Dipo tukoy ko a handa kamon a tumulung, sakay impagmadakál takam pa tu taga-Macedonia hide. Kinagi ko a handa kamon a taga-Acaya hide, tu nakalipas pa he a taon; kaya makpal u nalukag tu págtulung dipo tu págmalasakit moy.

2 Corinto 9:4

Dipo ni dimmemátták hina sakay ti kákkapatkákka tamáy hide a taga-Macedonia, sakay ketan de a awan kam palla handa, ay mepatagamaák la sakay pati hikam.

Filipos 4:15

Sakay tukoy moy labe a taga-Filipos hide, nikuna lummakadák ti Macedonia sakay magsapul palla tu pángpakapospos tu Maganda a Baheta, awan dán ti iba a gurupo ni mánnampalataya a timmulung tu kailangan ko hide nan hikam la.

1 Tesalonica 1:7

Kanya nagin halimbawa kam tu kákkapatkákka tam ti Macedonia sakay ti Acaya.

1 Tesalonica 1:8

Dipo tu maganda a halimbawa moy ay kimmalat u upos nu Panginoon ti Macedonia sakay ti Acaya. Maske u pánnampalataya moy tu Diyos ay nebaheta be tu atanan a lugar. Kanya ngani awan dán kailangan a magupos kame tungkul nikam.

1 Tesalonica 4:10

Tukoy me a mahal moy dán u kákkapatkákka tam hide a taga-Macedonia. Pero konna paman hod ay mákkekakagbiyák padi nikam a dagdagan moy pa u págmahal moy nide.

1 Timoteo 1:3

Konna tu impákpágguhon ko niko nikuna tamuwák ti Macedonia, a gusto ko a mágyan ka pala ti Efeso. Tánni paimangan u sangan a tolay a makántolduwan ti liwat.

Filemon 1:5

dipo nabaheta ko a dakál u págmahal mo tu atanan a mánnampalataya hide, sakay nanalig ka ti husto tu Panginoon Jesus.