Roma 15:25 - U Maganda A Baheta Ni Jesu-Cristo

²⁵ Pero nadid, kailangan ko pa umangay ti Jerusalem tánni iyangay ko u tulung tu kákkapatkákka hod.

Roma 15:25 ပူးပေါင်းရင်းမြစ်များ

Gimet 18:21

Pero nikuna kadnadán ay kinagi na nide, “Magsoliyák he, ni kaluuban nu Diyos.” Sakay limmakad ti Efeso a nágsakay tu abeng.

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 20:16

Nagdisisyon ti Pablo a awan dán humoyot ti Efeso tánni awan dán siya maabala ti Asia. Dipo gusto na a ni maare ay hedán siya ti Jerusalem tu aldew nu Pentecostes.

Gimet 20:22

Nadid, bilang kássunud tu Banal a Ispirito ay angayák ti Jerusalem, awan ko tukoy ni ánya mangyariyay hod nikán.

Gimet 24:17

Sangan dán a taon a awanák ti Jerusalem; nagsoliyák para magtugán ti tulung tu kalugaran ko hide, sakay mag-alay tu Diyos.

Gimet 9:13

Pero timmábbeg ti Ananias, “Panginoon, makpalák dán a nabaheta ti tolayan iye, tungkul tu kadukássan a ginággimet na tu mánnampalataya hide ti Jerusalem.

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

1 Corinto 16:4

Pero ni kailangan a umangayák be ti Jerusalem ikuyog ko dálla hide.

2 Corinto 8:4

mákkekakagbi hide nikame a atádden hide ti pagkakataun a makatulung tu kákkapatkákka ti Judea.

2 Corinto 8:6

Dipo ti iye ay naisip me a maganda nakwa ni itulos moy u pággipun tu tulung para tu mágkahirap hide. Kaya ti Tito a nangsapul ti gawainan iye hina nikam ay inuhon me a magsole hina para tapusán na u sinapulan na a pággipun tu tulung moy.

Galacia 2:10

Inpákpágguhon dila a diyan me páppabayan u mágkahirap hide. Sakay iye be u gugusto ko a gimitán.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.