Roma 15:19 - U Maganda A Baheta Ni Jesu-Cristo

¹⁹ Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Roma 15:19 ပူးပေါင်းရင်းမြစ်များ

Mateo 12:28

Pero ni nagpalayasák ti demonyo tu kapangyariyan nu Ispiritu nu Diyos ay nagpatunay ina a dumemát dán nikam u pághari nu Diyos.

Juan 4:48

Kinagi ni Jesus nikuna, “Awan kam talaga maniwala, mentaras a awan kam maketa ti makataka-taka a gimet.”

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 13:14

Pero di Pablo ay nagtulos-tulos ti Antioquia a sakup ni Pisidia. Sakay tu Aldew nu Káimang ay immangay hide tu sinagoga nu Judio hide sakay nággetnod.

Gimet 13:51

Kanya impagpag nu duwwa u alikabuk tu tikád de ti itod a banuwan bilang tanda a awan dán hide ti pananagutan nide, sakay immangay hide ti Iconio.

Gimet 14:10

Kinagi na ti mabegsák, “Tumaknág ka!” Limmukso u lállake sakay tulos a naglakad.

Gimet 14:20

Pero nikuna palebutan siya nu disepulus hide ni Jesus ay timmáknág siya sakay nagsole tu banuwan. Sakay tu kadimadimangan ay immangay hide ay ti Bernabe ti Derbe.

Gimet 14:25

Sakay impangaral de ti Perga u Upos nu Diyos káttapos ay immangay hide ti Atalia.

Gimet 14:6

Nikuna matukuyan iye nu apostol hide ay gimminan hide sakay impangaral de u Maganda a Baheta ti Listra sakay ti Derbe a banuwan ti Licaonia sakay tu palebut na a lugar.

Gimet 15:12

Timmahimik hide a atanan sakay nágsaneg di Pablo sakay ti Bernabe mentaras a magbaheta hide tungkul tu makataka-taka a bagay a ginimet nu Diyos tu Hentil hide tu pamamag-itan de.

Gimet 16:18

Aldew-aldew ay gággimitán na itod nide kanya nágngál ti Pablo. Inatubang na u bábbey sakay kinagi na tu madukás a ispirito, “Tu ngahan ni Jesu-Cristo, utusan taka a lumakad ti bábbiyan itona!” Kanya ti itod be ay lummakad u madukás a ispirito.

Gimet 17:10

Ti itod labe a gibi ay pinaangay nu mánnampalataya hide ti Pablo sakay ti Silas tu banuwan a Berea. Káddemát di hod ay simmáddáp hide tu sinagoga nu Judio hide.

Gimet 17:15

U nagtugán hide ni Pablo ay nákkuyog nikuna hanggan ti Atenas. Káttapos ay nagsole hide ti Berea, a tawed u bilin ni Pablo para di Silas sakay ti Timoteo a tumagubet hide a pagdaka.

Gimet 18:1

Káttapos ay limmakad ti Pablo ti Atenas sakay immangay ti Corinto.

Gimet 18:19

Káddemát de ti Efeso ay inwahak na u duwwa sakay simmáddáp siya tu sinagoga sakay nákpagpaliwanagen tu Judio hod hide.

Gimet 19:1

Mentaras katoy palla ti Apolos ti Corinto ay linakad be ni Pablo u mabuke-buked a lugar tu prubinsiya hanggan a nakademát siya ti Efeso. Netan na hod u sangan a mánnampalataya.

Gimet 20:20

Tukoy moy a tu págtoldu ko sakay tu pángngaral ko nikam ay awanák nagalanganin a magkagi nikam maski ánya man a bagay a ikapiyya moy. Nagtolduwák ti hayagan pati be tu bila-bilay.

Gimet 20:6

Káttapos nu Piyesta nu Tinapay a awan ti Págpaalsa ay limmakad kame ti Filipos. Kállipas nu limma a aldew ay nakademát kame ti Troas sakay nágyan kami pa hod ti pitto a aldew.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

Roma 15:24

asaan ko a mamágketa-keta kitam nadid. Tamuwák hina káangay ko ti Ispanya. Sakay tukoy ko a magin masayaák tu pamagketa tam maskin sabadit la a panahun. Asaan ko be a matulunganák moy tu káangay ko ti Ispanya kággábwat ko hina.

1 Corinto 2:4

Tu pággupos ko sakay tu págbaheta ko ay awan takam inakit tu pamamag-itan nu mágkaganda hide a pággupos sakay tu karunungan nu tolay, nan tu pamamag-itan nu patunay nu Banal a Ispirito sakay tu kapangyariyan na.

2 Corinto 12:12

Buo ko a tiyaga a pinatunayan nikam a hikán ay tunay a apostol tu pamamag-itan nu makataka-taka hide sakay u agum pa a tanda.

Galacia 3:5

Bakin inyatád nikam nu Diyos u Ispirito na? Bakin maggimet siya ti makataka-taka? Dipu beman tu kássunud moy tu Kautusan? Awan! Nan dipo tu pánnampalataya moy tu nasaneg moy tungkul tu Maganda a Baheta.

Colosas 1:25

Nagin tagapagserbiyák na para tu mánnampalataya hide nikuna a piniliyák nu Diyos para ganap a mepahayag nikam u upos na.

1 Tesalonica 1:5

Impakapos-pos me nikam u Maganda a Baheta a awan kame nagduwwa-duwwa, sakay bakán la a tu pággupos nan tu kapangyariyan nu Diyos sakay tu tulung nu Banal a Ispirito. Sakay netan moy ni kodya kame a nabiyag nikuna nákpágyan kami hina. Ginimet mi ina para tu kapiyaan moy.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.