Roma 15:14 - U Maganda A Baheta Ni Jesu-Cristo

¹⁴ Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Roma 15:14 ပူးပေါင်းရင်းမြစ်များ

1 Corinto 1:5

Dipo tu pákpágkaessa moy ni Cristo ay limmagu kam tu atanan a bagay, magin ti paggupos sakay karunungan.

1 Corinto 12:8

U agum nikitam ay inatádden nu Banal a Ispirito ti kakayanan a mángbaheta tu upos nu Diyos a nebagay tu kailangan nu mánnampalataya hide. U agum be ay u kakayanan a ipaliwanag u karunungan nu Diyos, pero i iye hide ay naggábwat be tu Banal a Ispirito.

1 Corinto 13:2

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

1 Corinto 8:1

Nadid, iye u metábbeg ko tu tanung moy tungkul tu makan a nealay tu diyos-diyosan hide. Tukoy tam, “a tehhod kitam a karunungan a atanan.” Iye a “karunungan” u rason tánni magin palalo u tolay, pero u págmahal u makapangpatibay nikitam.

1 Corinto 8:10

Pero hikam a mas nakatukoy ti iye, ay kuman tu disalad nu templo nu diyos-diyosan hide, sakay netan kam nu mágkahina palla hide ti pánnampalataya, awan wád hide meaheg a kuman ti itod a nealay tu diyos-diyosan hide maski para nikuna ay kasalanan iye?

1 Corinto 8:7

Pero awan atanan ay makatukoy ti iye. U agum ay nasanay ti itod a magsamba tu diyos-diyosan, kaya hanggan nadid, kapag ni kuman hide ti konna he ay u akala de ay alay padi tu diyos-diyosan u kákkanán de. Dipo wad a kulang u karunungan de, kaya mabalisa hide tu buung akala de a nagkasala hide.

2 Corinto 8:7

Hikam a taga Corinto hide ay tanyag dipo mabegsák u pánnampalataya moy, mágkalalake kam a mangaral, makpal kam a tukoy, masipag kam a magserbi tu Diyos, sakay dakál u págmahal moy nikame. Nadid, gusto ko a magin tanyag kam tu pángngatád.

Efeso 5:9

Dipo ni u essa a tolay ay nademlagan dán ay ketan tu gimet na u maganda, tama sakay tatahoden.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

1 Tesalonica 5:11

Kaya pabegsákkán moy u isip nu balang essa sakay magtulungan kam konna tu gággimitan moy nadid a panahun.

1 Tesalonica 5:14

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

2 Tesalonica 1:11

Iye u dahilan ni bakin lagi me kam a idáddasal. U dasal me ay nakwa ay magin karapat-dapat kam tu Diyos tu pángdulaw na nikam. Sakay idasal mi be a tu tulung nu kapangyariyan na ay magimet moy u atanan a mágkaganda a bagay a gusto moy a gimitán dipo tu pánnampalataya moy.

2 Timoteo 1:5

Awan ko malimunan u tapat mo a pánnampalataya a konna tu pánnampalataya nu apo mo a bakás a ti Loida sakay nena mo a ti Eunice. Sakay hanggan nadid, ay siguraduwák a konna palla hod u pánnámpalataya mo.

Filemon 1:21

Nagsulaták niko dipo te tiwalaák a pagustuwanák mo ti kagiyán kuwáy. Tukoy ko a mas pa u gimitán mo nan tu impákkekagbi ko.

Hebreo 5:12

Dapat nakwa ay tagapagtoldu kamon, pero hanggan nadid ay kailangan kampa a tolduwan tu pasapul hide a adal tungkul tu upos nu Diyos. Hanggan nadid ay gatas palla u kákkanán moy embes a u mágkakásseng dán a makan.

Hebreo 6:9

Mahal me hide a amigu, maski ni konna he u kákkagiyán me, ay tukoy me a katoy kam ti maganda a kalagayan tungkul tu kaligtasan moy.

2 Pedro 1:12

Kaya ngane, maskin tukoy moy dán iye hide sakay matatag kamon tu tatahoden a katoy nikam ay pirme takam padi a paalaalaan ti iye hide a bagay.

1 Juan 2:21

Magsulaták nikam bakán a dipo awan moy palla tukoy u tatahoden nan dipo tukoy moy dán iye. Sakay tukoy moy be a awan ti kakabuliyan a maggábwat tu tatahoden.