Roma 14:8 - U Maganda A Baheta Ni Jesu-Cristo

⁸ Ni hikitam ay mabiyag ay mabiyag kitam para tu Panginoon, sakay ni matay kitam, matay kitam para tu Panginoon. Kanya mabiyag kitam man oni matay ay he kitam tu Panginoon.

Roma 14:8 ပူးပေါင်းရင်းမြစ်များ

Lukas 20:38

Pero u Diyos ay bakán a Diyos nu patay hide nan Diyos nu biyag hide, u atanan a dinulaw nu Diyos ay bakán a patay nan biyag.”

Juan 21:19

Kinagi iye ni Jesus para ipaliwanag na ni Pedro ni kodya siya a matay, sakay ni kodya na a maparangalan u Diyos. Kanya kinagi ni Jesus ni Pedro, “Ahiganák mo.”

Gimet 13:36

Nikuna masunud dán ni David u atanan a kagustuwan nu Diyos ay natay siya sakay nelábbáng a kaguman nu ninunu na hide sakay nahunot.

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Gimet 21:13

Pero timmábbeg siya, “Bakin magsanget kam? Diyan moy panghinaán isip kuwáy! Dipo nakahandaák a papungo maski matayák pa ti Jerusalem ni kailangan, alang-alang tu ngahan nu Panginoon Jesus.”

1 Corinto 15:23

Pero u kákkabiyag a huway nu balang essa ay tehhod a netakda a panahun: u kadipalonguwan a nabiyag a huway ay ti Cristo; sakay tu kássole na he ti munduway ay u mánnampalataya dámman hide u biyagán na a huway.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Filipos 2:30

Dipo ngahe-ngahe dán siya a matay para tu págserbi ni Cristo. Intaya na u biyag na para matulunganák na bilang kapalit moy a magserbi nikán.

1 Tesalonica 5:10

Natay ti Jesu-Cristo para nikitam tánni maski natay kitamon oni biyag palla kássole na a huway ay mabiyag kitam a kaguman na.

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”