Roma 14:20 - U Maganda A Baheta Ni Jesu-Cristo

²⁰ Dyan mo sidaán u pánnampalataya nu agum a inligtas nu Diyos dipo la tu pagkain. Atanan a pagkain ay maare a kanán, pero iye ay madukás ni magkasala u iba dipo tu kákkanán mo.

Roma 14:20 ပူးပေါင်းရင်းမြစ်များ

Mateo 15:11

Bakán a tu isubu nu tolay u makapangpadangát nikuna tu Diyos nan u madukás a kagiyán na.”

Mateo 18:6

Kinagi pa ni Jesus “Mas mapiyya pa tu essa a tolay a báttenan siya ti essa a dakál a bito tu álleg na sakay itápduk siya tu bállog nu diget nan magin ginábwatan siya nu págkasala nu essa tu konna he a anak a naniwala nikán.

Gimet 10:15

Nasaneg na huway u boses a nagupos nikuna, “Diyan mo ibilang a madangát u bagay hide a inbilang dán nu Diyos a malinis.”

Roma 14:2

Halimbawa, tehhod a tolay a maniwala a atanan a pagkain ay maare a kanán. Tehhod be a mahina ti pánnampalataya sakay para nikuna, atong la u dapat a kanán.

Roma 14:21

Mas maganda pa u dyan kuman ti karne oni uminom ti alak oni maggimet tu bagay hide a makapangatád ti págkakasala nu kapatkákka mo.

Efeso 2:10

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

Tito 1:15

Malinis u atanan a bagay tu tehhod a malinis a isip, pero tu mágkadukás sakay tu awan mánnampalataya ay awan ti bagay a malinis dipo madangát u konsensiya sakay u pággisipan de hide.