Roma 14:2 - U Maganda A Baheta Ni Jesu-Cristo

² Halimbawa, tehhod a tolay a maniwala a atanan a pagkain ay maare a kanán. Tehhod be a mahina ti pánnampalataya sakay para nikuna, atong la u dapat a kanán.

Roma 14:2 ပူးပေါင်းရင်းမြစ်များ

Roma 14:1

Nadid, tanggapán moy u kapatkákka moy a mahina ti pánnampalataya sakay dyan kam mákpagtalo tu pánniwala na hide.

Roma 14:14

Dipo tu pákpágkaessa ko tu Panginoon Jesus, siguraduwák a talaga a awan ti bawal a makan. Pero ni tu akala nu essa a tolay ay bawal u essa a makan, dapat dyan na kanán.

Roma 14:20

Dyan mo sidaán u pánnampalataya nu agum a inligtas nu Diyos dipo la tu pagkain. Atanan a pagkain ay maare a kanán, pero iye ay madukás ni magkasala u iba dipo tu kákkanán mo.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

1 Corinto 10:25

Maare kam a kuman tu maskin ánya a mabale a masida tu tindaan, dyan kamon magtanung ni nealay iye oni awan tánni awan mabalisa u konsensiya moy.

1 Corinto 8:9

Pero mag-ingat kam, bakay tu kalayaan moy a kuman ti ánya man a makan ay magin rason a pagkasalaan nu mágkahina hide ti pánnampalataya.

1 Corinto 9:22

Ni hikán ay hod tu mágkahina hide ti pánnampalataya ay mákbagayák para mapabegsák ko hide ni Cristo. Nákbagayák tu atanan a tolay, tánni maskin tu ánya a paraan ay maakit ko u agum nide a sumampalataya ni Jesu-Cristo para maligtas hide.

Galacia 2:12

Ta dipo nikuna a awan palla u sasangan a tolay a inutusan ni Santiago ay kaguman siya a mákkan tu Hentil hide. Pero nikuna a dimmemát hide ay bimmukod siya tu Hentil hide. Ginimet na itod dipo manteng siya a te makagi u kaparehas na hide a Judio, lalu dán u Judio hide a sumássunud palla tu ugale de a págpature.

1 Timoteo 4:4

Dipo atanan a linalang nu Diyos ay maganda, awan ti dapat a tanggiyan nan tanggapán a tehhod a págpasalamat.

Tito 1:15

Malinis u atanan a bagay tu tehhod a malinis a isip, pero tu mágkadukás sakay tu awan mánnampalataya ay awan ti bagay a malinis dipo madangát u konsensiya sakay u pággisipan de hide.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

Hebreo 9:10

I gággimitán diyan itod hide ay tungkul la ti pagkain sakay inuman sakay tu sare-sare a kalase a páglinis. Kautusan hide a pangluwas a gumana la a hanggan a dumemat u bigu a paraan nu Diyos.