Roma 14:18 - U Maganda A Baheta Ni Jesu-Cristo

¹⁸ U magserbi ni Cristo tu konna he a paraan ay makasaya tu Diyos sakay igalang siya nu kapareho na.

Roma 14:18 ပူးပေါင်းရင်းမြစ်များ

Markos 13:34

Iye ay maare tam a ipareho tu essa a tolay a umangay tu adeyo a lugar: bagu siya a lumakad tu bilay na ay inatádden na u bawat essa tu utusan na hide ti tarabaho, sakay kinagiyan na u tagabantay tu pintuwan a dapat lagi a handa tu káddemát na.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Gimet 10:35

Nasaya siya tu tolay a te ánteng nikuna sakay u maggimet ti tama, maskin ánya a ka lahe.

Roma 12:11

Dyan kam magin tamad ni awan magpakasipag kam sakay buo a puso a magserbi tu Panginoon.

Roma 14:4

Ti deya ka a manghatul tu utusan nu iba? U amo na la u makapanghatul nikuna ni tama u gággimitán na oni awan. Sakay magimet na u tama, dipo u Panginoon u mangtulung nikuna.

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

Roma 6:22

Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.

1 Corinto 7:22

U essa alipin tu itod a dinulaw nu Panginoon ay nagin malaya dán dipo tu Panginoon. Konna bi hod, u tolay a malaya nikuna dulawán ni Cristo ay nagin alipin dán ni Cristo.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

2 Corinto 5:11

Kaya ngani, dipo te ánteng kame tu Diyos, ay gimitán me u atanan para maakit me u tolay hide a sumole nikuna. Tukoy nu Diyos u tunay me a pagkatolay, nakwa ay tukoy moy kami be.

2 Corinto 5:9

Kaya ngani, u pinakagugusto me ay makasaya kame tu Diyos, he man ti munduwáy oni ti langet.

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

2 Corinto 8:21

Sikapán me a megimet iye ti maayus, bakán la tu pangileng nu Panginoon nan magin tu pangileng nu tolay hide.

Filipos 4:18

Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

Colosas 3:24

Tukoy moy labe a te gantimpala kam tu Panginoon; tanggapán moy u inhanda na tu anak na hide. Dipo ti Cristo a Panginoon u págserbiyan moy.

1 Timoteo 2:3

Iye u maganda sakay makasaya tu Diyos a Tagapagligtas tam.

1 Timoteo 5:4

Pero ni tehhod a anak oni apo u bilo a bábbey ay hide dapat u purumero a magserbi nikuna. Bilang gante tu dáddakál de hide, sa iye u kasayaan nu Diyos.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Pedro 2:20

Awan ti seserbi u págtiis moy ti parusa ni dipo tu ginimet moy a madukás. Dipo awan kam kasayaan nu Diyos. Pero ni pápparusaan kam maski maganda u gággimitan moy, ay kasayaan kam nu Diyos.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.

1 Pedro 3:16

Pero magin magalang kam sakay magin mahinahun ni magpaliwanag kam. Dipo bilang tagapagserbi ni Cristo ay diyan tam pabayan a makagimet kitam ti liwat, tán u tolay hide a mangdáddusta nikitam ay mapasanike tu kákkagiyán de a kontara nikitam.