Roma 14:17 - U Maganda A Baheta Ni Jesu-Cristo

¹⁷ Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 14:17 ပူးပေါင်းရင်းမြစ်များ

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 6:33

Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy.

Lukas 14:15

Nikuna masaneg itod nu essa a katubang di Jesus ay kinagi na, “Mapalad u makatubang tu lamisaan tu kahariyan nu Diyos!”

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 3:3

Timmábbeg ti Jesus, “Kagiyan ko niko u tatahoden: Awan ti maketa tu paghare nu Diyos maski ti deya man maliban a meenak a huway.”

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Gimet 13:52

U disepulus hide ti Antioquia ay tunay ti saya sakay naputat hide tu Banal a Ispirito.

Gimet 9:31

Kanya sapul hod ay nagin tahimik u kalagayan nu mánnampalataya hide tu buo a Judea, Galilea sakay Samaria. Hide ay bimmegsák ti pánnampalataya sakay kimmakpal tu tulung nu Banal a Ispirito sakay nabiyag a te ánteng tu Panginoon.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 8:6

U sapitán nu kássunud tu makasalanan a pagkatolay ay kamatayan, pero u sapitán nu kássunud tu kagustuwan hide nu Banal a Ispirito ay kapayapaan sakay biyag a awan ti kahád.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

1 Corinto 4:20

Dipo u tolay a paghariyan nu Diyos ay ketan u kapangyariyan nu Diyos tu gimet na sakay bakán la a tu pággupos na.

1 Corinto 6:9

Awan moy beman tukoy a awan ti kabahagi tu kahariyan nu Diyos u makasalanan hide a tolay? Dyan moy dayaán u sadile moy! U tolay a mángngibábbey sakay mángngilállake, sumássamba tu diyos-diyosan, sakay mák-agum tu kaparehas na a lállake oni kaparehas na a bábbey,

1 Corinto 8:8

Bakán a dipo tu makan kaya kitam a karapat-dapat tu Diyos. Awan ti mawan nikitam ni awan kitam kuman ti konna hod a makan, sakay awan labe ti meatád a maganda ni kuman kitam man he.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Filipos 2:1

Nadid, dipo makapangatád ti begsák isip u biyag moy a nakaugnay ni Cristo, sakay tehhod kam a kasayaan tu págmahal na, sakay nákpagkaessa kam tu Banal a Ispirito, sakay te soh kam a tumulung tu agum,

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

Filipos 4:4

Magsaya kam a pirme tu Panginoon. Huwayán ko dámman a kagiyán: magsaya kam!

Filipos 4:7

Ni ginimet moy iye, atádden kam nu Diyos ti kapayapaan a siya u mangbantay tu puso sakay tu isip moy dipo tu pákpagkaessa moy ni Cristo Jesus. I kapayapaanan iye ay awan kaya a maabut nu isip nu tolay.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.