Roma 14:15 - U Maganda A Baheta Ni Jesu-Cristo

¹⁵ Ni masakitan u kapatkákka mo dipo tu kákkanán mo, awan dán ayun tu págmahal u gággimitán mo. Dyan mo ipahamak u kapatkákka mo ni Cristo dipo la tu pagkain, dipo natay ti Cristo para be nikuna.

Roma 14:15 ပူးပေါင်းရင်းမြစ်များ

Roma 13:10

U tolay a magmahal ay awan maggimet ti madukás tu kapareho na. Kanya ni magmahalan kitam ay táttupadán tam u buo a Kautusan.

Roma 14:20

Dyan mo sidaán u pánnampalataya nu agum a inligtas nu Diyos dipo la tu pagkain. Atanan a pagkain ay maare a kanán, pero iye ay madukás ni magkasala u iba dipo tu kákkanán mo.

Roma 15:2

nan u ikaganda be nu agum, tánni mapabegsák be u pánnampalataya de.

1 Corinto 13:1

Nadid, ni makapagupusák man tu iba-iba a upos sakay tu upos nu anghel hide, ni awanák ti págmahal ay kumánnák la a bating-tingan oni pompiyang a makán tánnugán.

1 Corinto 8:1

Nadid, iye u metábbeg ko tu tanung moy tungkul tu makan a nealay tu diyos-diyosan hide. Tukoy tam, “a tehhod kitam a karunungan a atanan.” Iye a “karunungan” u rason tánni magin palalo u tolay, pero u págmahal u makapangpatibay nikitam.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

2 Pedro 2:1

Pero nagkahod be ti mágkabule a prupeta tu itod ti Israel. Sakay nadid ay konna bihod dipo tehod nikam a dumemát a mágkabule a prupeta. Magkunware hide a tatahoden u itáttoldu de nikam pero baka-bakán bal. Iye a adal de ay maka sida tu pánniwala moy. Adiyan de u Panginoon a nangtubus nide kaya bigla a dumemát u kapahamakan bilang parusa nide.

1 Juan 2:2

Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.