Roma 14:13 - U Maganda A Baheta Ni Jesu-Cristo

¹³ Kanya dyan kitamon humatul tu balang essa. Ni awan iwasan tam a maggimet ti ányaman a bagay a magin dahilan nu págkakasala nu kapatkákka tam.

Roma 14:13 ပူးပေါင်းရင်းမြစ်များ

Mateo 16:23

Pero kinagiyan siya ni Jesus, “Umadeyo ka Satanas! Essa ka a hadlang nikán. U isip mo ay bakán a tu Diyos nan kao nu tolay.”

Mateo 18:7

Mahirap a tahod u kalagayan nu tolay ti munduwáy dipo tu ginabwatan hide nu kasalanan! Awan mawan u ginábwatan hide nu kasalanan, pero makaanteng u mangyari tu tolay a pinaggábwatan nu kasalanan!

Mateo 7:1

Sakay kinagi pa ni Jesus “Dyan moy hatulan u kapareho moy tánni awan kam mahatulan nu Diyos.

Lukas 12:57

“Bakin awan moy matukuyan ni ánya tamaay?

Lukas 17:2

Maganda pa ni báttenan siya ti essa a dakál a gilingan a bito tu álleg na sakay ibut ditaw a diget, nan magin dahilan nu pagkasalaan ni biguwan iye hide ti pánnampalataya.

Roma 11:9

Kinagi be ni David tungkul nide: U kasayaan de hide nakwa ay siya u magin kumán a sákwat a mang-ekhot nide dipo iye u máng-angay nide tu kapahamakan, kákkasida nu biyag de sakay parusa nide.

Roma 14:10

Kanya dyan mo hatulan oni sestiyán u kapatkákka mo ni Cristo. Dipo hikitam a atanan ay umatubang tu Diyos, sakay siya u manghatul ni u ginimet tam ay maganda oni madukás.

Roma 14:3

Awan dapat a sestiyán nu tolay a kuman ti maskin ánya, u tolay a atong la u kanán na. Sakay dyan hatulan nu kuman la ti atong u kuman ti maskin ánya. Dipo hide a duwwa ay pareho la a tanggapán nu Diyos.

Roma 14:4

Ti deya ka a manghatul tu utusan nu iba? U amo na la u makapanghatul nikuna ni tama u gággimitán na oni awan. Sakay magimet na u tama, dipo u Panginoon u mangtulung nikuna.

Roma 16:17

Kákkapatkákka ko hide, magingat kam tu tolay hide a maggimet ti pamágguru-gurupo nikam sakay manggággulo tu pánnampalataya moy. Magtoldu hide kontara tu adal hide a natanggap moy nikame. Kanya iwasan moy hide.

1 Corinto 10:32

Dapat bakán a hikam u magin dahilan nu págkasala nu agum, nu Judio hide, nu Griego hide, oni u kakagumanan moy hide a mánnampalataya.

1 Corinto 11:13

Hikamon u magdisisyon: maganda beman a áelingan u essa a bábbey ni magdasal a awan ti alibonbun?

2 Corinto 5:14

U págmahal ni Cristo nikitam, ay ina u mangatád tu kasipag me a sumunud tu kaluuban na. Maniwala kame a natay siya para tu atanan a tolay. Kaya nadid, u atanan a tolay ay mebilang a natay.

2 Corinto 6:3

Iniwasan me a makagimet ti makasaket tu agum, tánni awan hide ti makagi tu págserbi me tu Diyos.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

Santiagu 2:4

awan beman u asikasuwán moy la ti maayus ay u mágkayaman hide, sakay u mágkahirap hide ay api-apiyán moy la? Awan tama u pághatul moy dipo makasadile ina.

Santiagu 4:11

Kákkapatkákka ko hide, dyan kam magupos ti madukás kontara tu kapareho moy a mánnampalataya, u magupos ti madukás sakay maghatul tu kapareho na ay kumontara sakay maghatul tu Kautusan nu Diyos. Ni konna hod ay bakán kamon a tagasunud nu Kautusan nan tagahatul dán.

1 Juan 2:10

U magmahal tu kapatkákka na ay katoy tu demlag kanya awan siya magin dahilan nu pagkasalaan nu agum.

Pahayag 2:14

Pero tehhodák a sangan a pangsalaan nikam: tehhod nikam a mangunonod tu toldu ni Balaam. Iye u nangtoldu ni Balak para igiyya na u Israelita hide a magkasala. Kaya kinuman hide tu makan a nealay tu diyos-diyosan hide sakay naggimet ti mágkahalay a gimet.